كيكة آيسكريم اوريو سريع سريع

[مملكة الاحساس]

بسم الله الرحمن الرحيم

برمضان وبعد الفطور بفترة يكون الحلا جميل ولذيذ ولازم منه ولاشرايكم
هالحلا اسويه بكيك بيتي كروكر واكسر الاريو واحطه معه بالصينية وبالفرن وبعدها خلطة الايسكريم
ولاني ابغي اختصر الوقت سريع سريع جلدي جلدي بلي بلي >>>>>>>>>
قلت استخدم كيك جاهز وطلع الطعم اكوس شيء لذيذ قسم
والطبق ما اخذ مني تقريبا في أعداده إلا عشر دقايق بس مع التصوير أخذ أكثر
إليكم الطريقة

مقادير الطبقة الأولى:

كيك جاهز اي نوع واي نكهه تبغون ,بسكوت اوريو بغيت الي لونه أسود بس طلع الي عندي لونه بني, كوب عصير برتقال
ممكن استبداله بقليل من الحليب السائل او عصير ليمون او الي تحبون

مقادير الطبقة الثانية والأخيرة:

2 قشطة,مغلفين دريم ويب,علبة كريمة خفق,كوب وسط حليب بودره,كوب صغير سكر بودرة
وهذه الخلطة الاساسيه لعمل ايسكريم الفانيليا اعتمدوها لعمل الايسكريم جدا لذيذه
وبامكانكم اضافة لها اي مكون ونكهه ثانية وبامكانكم الزياده بالمقادير ع حسب الكمية

الطريقة:

نفتت الكيك الجاهز باي طبق ونكسر الاوريو تكسير خشن ونخلطهم مع بعض

نرص الكيك والبسكوت بصينية متوسطه بالتساوي وبعدها نسقيها كوب العصير والغرض من العصير علشان يخليها متماسكة وماتتفتت

نخلط مقادير الطبقة الثانية أنا دايم اخلطها بخلاط الكيك اليدوي
بس اختصارا للوقت حطيت المقادير بخلاط الكاس ونسيت ماصورت هالمرحلة
بدأت اولا بكريمة الخفق لأنها سائلةوبعدها باقي المقادير
خلاط الكاس سعادني في اختصار الوقت
لأني في نفس الوقت الي اخلط فيه الايسكريم افتت الكيك واكسر البسكوتات وارصهم بالصينية
ولاتخافون الكريمة راح تنفش معكم وترتفع ابدا ماراح تخرب
وبعدها صبيت الخليط على الكيك والبسكوت وزينتها ببسكوت اوريو مجروش وناعم
وحطيتها بالبراد لين اجمدت وقدمتها
ملاحظة:
أذا طلعتوها من البراد قدموها على طول لان لوخلتوها برا الآيسكريم بيذوب

الحلا في طبق التقديم

وهنا بعد

هاه وشرايكم كويس ولامافيه كويس

والحمدلله الذي أطعمنا وسقانا من غير حول منا ولاقوة
والقادم أجمل إن شاء الله

°•ج ــمرة غ ـضى ـآ•° معجب بهذا