(( سجل حضورك في بيت شعري ))

[عَذْبَھْہّ]

انا حبر الشعر و أطيب قصيده صغتها كبريت
على الحبلين ما ألعب كذا الرحمن سوّاني


و اذا يومٍ جزع قلبك و انا مقفي ما يكفي ليت
تعال إن كان بعيونك حنين و ضم أركاني

أنا قلت الوفا طبعي و لو إني عليك اقسيت
انا ما أخون و أستبدل خفوقي بواحدٍ ثآني


احبك يا سفينة جرح و كبرٍ ذآيعٍ بالصيت
و لكن صدق لو لديت / بأصد و عاد إلقاني

[كلمة حق]

ما قلت لك ان الفراق رماح شف هالصدر وحكاية ثْقوبه
وش للهدد لو ينكسر بي جناح جفن ٍ شقي ويشقّق فْ ثوبه

من قال أنا ضايع أنا مرتاح بعض الحزن أهون من اكذوبه
جرح انقسم فيني وصار جْراح حلق ٍ يبس وضلوع محطوبة

هو شافني يوم العروق صْحاح ما شافني والروح منكوبة
لو بالهوى كل ٍ يجي مرتاح ماكان به ملح ٍ تغنو به

ياصاحبي ليته موات أرواح لو للوفي مما وفا عْقوبه
بعض الحكي جد وبعضْه مزاح والناس ذي كل ٍ وإسلوبه

واللي دفع آدم على التفاح ساق الحشا لمعانق ذنوبه
ولا ّ أنا وش لي بهالمرواح لجل اني احط دوبي على دوبه

ياصاحبي دام الهوى لقّاح وقلوبنا نحل ٍ محا التوبة
لا تقول لي مابالفراق رماح هاك الصدر وانت احصي ثقوبه !!

[كلمة حق]

يافجر ليــــلي متي أشوفك صباح
ومتـي مره القاك يافجــــري قريب
ومتي يافجر طيــرك يميل الجناح
وياخذني لمن خلا قـلبي عطيب
لو قلت أغفــــي ولو قـــــلت ارتاح
عيا هالقلب فيني لــو مره يجيب
عايش مع الناس مثل ضيـف وسواح
وأدور الماء وأنا وسط المشــــاريب

[كلمة حق]

الناس شافوا ضحكتي بعض الأحيان


قالوا ياحظه وين تلقـى السعـاده

ما يعرفون إن ضحكتي كلها أحزان

ضحكت شفاه وبس... ماهي زياده !!

[كلمة حق]

جيت آغنّي لـ مقبآلك .. هلا
يآسعد .. يآبعد عين القصيد

يآبعـــد كـل زولـن فـ الملا
شوف زولك يسآوي يومـ عيد

جعل من لآيحبّك لـ البلا

جعل من لآيحبّك لـ البلا

[كلمة حق]

تبي الصرآحه .. وش تبي بـ الصرآحه ؟
أكذب عليك..إن قلت لك عآيشبـ خير !


إن قلت رآحه .. مآ ورى النآس رآحه
بس أنت .. وآفي ولآ يجي منك تقصير !

[كلمة حق]

ياوافية في كـل موقـف معايـا = ياحاضرة في كـل قلـب ٍ وفيّـا
شعشع ودادك في جميع النحايـا = حيث ٍ لك تقدير مـا هـو خفيّـا
يانافـة جيلـك بحسـن التهايـا = لك منزل ٍ بيـن القمـر والثريّـا
يانور حور الدور بيض الصبايـا = صرحك هتف بايـات ود ٍ جليّـا
لبي نداء صرح الوفاء و والمزايا = حيث ارتباطك في شموخك قويّـا
تـرى النوافـذ للسجايـا مرايـا = تعكس صدى واقباس فكر ٍ ثريّـا
من نور فكرك مشرقات الزوايـا = ياتاج نبراس العطـاء والحميّـا
ترجمت لك روح الوفاء والتحايا = وأصدق شعور ٍ لو كتمنـاه عيّـا !!

[عَذْبَھْہّ]

؛/

؛.


يامظاهرنا النظيفه وش تحت بيض المشالح !!
غير واقعنا المرير اللي وراء زيف اللباقه ..

؛/

[عَذْبَھْہّ]

ياقلبي لاتشاورني الى منـك بغيـت تطيـر
توكل والسحاب اللـي تعـلا عانـق مزونـه
توكل واعقد النيه وخل اللي يصيـر يصيـر
ترى من هاب في حبه هلك ماشاف مضنونـه

[عَذْبَھْہّ]

أن كان قلبك نسـاني لاتجاملني ..
الكلمه اللي تريـح خاطـرك قلها ..!

لكـن بالأسلوب هـذا لاتعاملني ..
شف ناس غيري بهاالاسلوب عاملها ..!