(( سجل حضورك في بيت شعري ))

[كلمة حق]

الضيقـه لا صرت عايش والبخت مايل
إن جيت تضحك تقاطع بسمتك : دمعه
تموت أحسن ؟! .. وإلاَّ ماني بـ قايل
[أستغفر الله] على الضيقات مجتمعه

[كلمة حق]

يا صاحبي لا تحزنك [ سوء ] الأوضاع
ربّكـ [ يفرّجها ] .. مثل ما عقدها

كل الأوادم صابها [ طلق الأوجاع ]
ذاقوا رصاصتها , و [ طابوا ] بعدها

وكل [ الوجوه ] الضاحكه تلبس قناع
فتّش [ خـوافـيـهــا ] .. بترحم سهدها

وكل المشاكل [ تبتدي ] بعينك وساع
عَطْهَـــا شوية [ وقت ] يصغر نكدها !!

[كلمة حق]

ياليتني قبل اعرف اركض تعلمت اطيـح
لاجل اتقي شر عثراتي واعـاف الوطـا
ياليتني قبل اعرف اتعب عرفت استريـح
عشان ماتوجـع دروبـي ثقيـل الخطـا ؟؟

[شَ ـآعُ ـٌر ٍ مُـً ِش‘ـًآعٌ َـْر ِ]

تبعت الهم يجر الهم مع همي مع الي كان .. يجرجر فيني كمومي يكسر فيني الصوره
طواري الموت والاموات يهددني مع النسيان .. اخاف اموت وكتلة ذنب بقلبي ماهي مغفوره

..
شعري ..

[شَ ـآعُ ـٌر ٍ مُـً ِش‘ـًآعٌ َـْر ِ]

انا مدري وش الحكمه اذا شد الحزن فيني
ولا ادري وينها المتعه اذا يومي غدا ضدي
انا وان طال بي ليلي قسم بالله تدميني
همومن صالت وجالت وبيّن ماخفى سدي
........

شعري ..

[شَ ـآعُ ـٌر ٍ مُـً ِش‘ـًآعٌ َـْر ِ]

لما انا حبيت ماكنت ابي منك تبوري
بس الزمن اخطا وغير فيك معنى اغترابه
كنت انا وكنتي والزمن طبعه يدوري
عسى زمانن شابني تقترب لحظة شبابه
وابسألك منك الجواب الحين ماهو ضروري
فكر عسى التفكير يعانق حروف الأجآبه
....
شعري

[نبض الأمل]

صــح لسانك شاعر..
....

هذ اهو صوتي اليوم معكم
ويمكن
بكره يغيب عن مسامعكم

اعذروني لو في يوم كسرت خواطركم ..
او بكلمة جرحت مشاعركم ..
اذا مت خلوا قبري يملاه حبكم

[عَذْبَھْہّ]

أكره الحزن والتشاؤم وكل شي شييييين
لك وللجميع طولة عمر ع الطاعه والعبآده يارب

كسرت بخاطري
يومي أجيك بلهفتي محتاج..
عن العالم تمنيتك بأحزاني
معي توقف!!
تحريتك و ناديتك و حس القلب
بالاحراج
رجعت و خاطري مكسور وحزني
فوق مايوصف!!
خلاص أقول من قلبي"أنا آســــــف"
عالازعاج
و آسف منك "ياقلبي"
حطيتــــك بهالموقف!!

[عَذْبَھْہّ]

{سمعنا أنه يحبكـ وأنا أدري هم تحبينه
بقولكـ/شي في قلبي
رجاءاً لاتعلمينه , أنا اللي من عمر أهواه
ترى ماجيت أبتعاتب أبي أطمن عليه
وأنساه مدام الله مو كاتب ..}

{أبي أدعيله يلاقي فيكـ اللي مالقاه فيني
ولا تزعلينه /ماأوصيكـ
أبي أخباره ترضيني وأذا مره تخاصمتوا
ولاأنتي عارفه ترضيه ..
تعالي قولي شلي صار أعلمكـ ليه وش اللي فيه ..}

[كلمة حق]

يـا صـاحبي ماني من الهـمّ مرتـاح
................ و القلب مـن بعض المواضـيع مجروح

ضـايق ولـوّ إنّـي مع النّاس مـزّاح ! . .
................ مـا ودّي أبـدي " ضيقة الصدر" و آبوح

أموت ما صحت بـ جروح الزمن " آح " ! . .
................ و أصـبر ولـوّ إنّـي من الجـرح مذبوح

أخـاف لا يـفطن من النـّاس" لـمـّاح " ! . .
................ و أخـاف ما يـدري عن الضـيق " مملوح " ! . .

أقـاوم جـراح " ن " وتـتعبني جراح
................. و أبني من الآمـال لـ أيـامي صـروح

وأقول : راح الهـمّ . . والهـمّ ما راح
................. ولا أدري من هموم الزمن وين أبـ آروح ؟! . .

وإن لاح دمـع العين بـ العين ما طاح ! . .
................. وإن طاح فـ افهمها ... " مع طلعة الروح " ! . .