(( سجل حضورك في بيت شعري ))

[الحــزن عــادة]

صديق الطفوله وش جرى لك مع الايام هي انصفت دنياك ولا انت بك مثلي

فقدنا ملامحنا مثل ساير الانام عبث بنا جور الزمن والزمن يبلي

وقفنا جميع وبيننا حاجز الاعوام صعيب وصولي لك ويا صعب لك وصلي

وانا اشوف في وجهك طريق غشاه عتام وذاك النخل واشوف دارك ودار اهلي

وسدره هي اكرم من اهل بيتها اللوام وفي وجهك اصحابي عصى مدرسي وفصلي

وعود كبير ودايم فالظلال ينام في ذكرياتي له بعد ملمح وجلي

وصوركتبنا فيه ذكرى عبث واوهام ولي في عيونك صوره زانها جهلي

بثوب تبلل بالمطر والتراب وشام وانا حب اسير العب وهي حافيه رجلي

انا وانت طفل وطفل دايم رضى وخصام بكانا سهل والضحكه امر بعد سهلي

دعاني بوجهك ناده ينده الاحلام معه رمح مدري هو علي غاضب او لجلي

انا كيف اباصل والامل خلف مو قدام كثير الاسى والسهد يا من فعل فعلي




..؛..( الحـــزن عـــــادة )..؛..

[نبض الأمل]

حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما حتاج اعيده

[الحــزن عــادة]

أمـوت مـن فرقاك .. و أموت بلقاك
وأموت من جورك .. و أموت بحنانك
كـلٍ قـضاه يـموت مرّه .. و يفداك
و أنـا أمـوت ألـفين مرّه .. عشانك
أذكـرك.. لا مـني نسيت إني نسيتك
أنـساك .. لامـني ذكـرت نـسيانك
رضـيت أنـا بالهم لرضاك مرضاك
و ارخصت لك قلبٍ جرحته .. وصانك
أجـيك في صدري عتاب .. و أبجفاك
و أرجـع ألـوم الوقت و أقول خانك
أحـب فـيك .. احساسي إني بلاماك
فـي عـز خـوفي منك أحس بأمانك
عـجزت أفـرق بين وصلك و فرقاك
يـاللي عـطيت الـناس بيدك عنانك
مـر تـجيني لـين أقـول إنـي إياك
و مـر تـروح بـعيد و انسى أوانك
أقـبل و تقفي .. و اعتذر عن خطاياك
و أقـول مـا عـييت .. عـيا زمانك
و إن خـانتك دنياك .. أو خنت دنياك
إرجـع و تـلقابي .. مـكانك.. مكانك


..؛..( الحــــزن عـــــادة )..؛..

[كلمة حق]

ابكـتـب بالحبــــر همي واسطـــر دمعتي بكتاب
وبنثر حزني بأوراقي وبسكت لا لفى الأصحاب

بصيح بصـوت يحرقني بليلي اشتكي بسهاب
بحـــدر دمعتي حره واسكت لا لمحت أحبـــاب

ابـتـدثــر بـــــأوجاعي وأكلم نجمتي بعتـــاب
ابحكيها واشكيها ودمعي في الحشا مرتـــاب

ابســـأل بـــدر هــاليله وبفتح للكلام احســـاب
بمد يديني مشكات اشوفلي و الهنـا اقــراب

زمانـــاً أقلب أوراقه يهد الحيل يجيب أتعـــاب
زمانـــاً صعبـة أوصافه وأيامه شقا وأنصـــاب

اشــــد الفرحــه أحضنها تصد تبعد تسد البــاب
إلهي اشتكي همي إلهي عالـــم الأسبــــــاب

تعرف أني أبيت الليل وهمي رافعلي نــــــاب
تعرف الدمع يجي سيل وتذبل فيني الأهـــداب

إلهي فرج هموماً لها في خافقي ســــــــراب
وفرج كربت جارت وريح جمر هالأعصــــــــاب!!

[شَ ـآعُ ـٌر ٍ مُـً ِش‘ـًآعٌ َـْر ِ]

يسلمو نبض :)

قطره من بحر ذوقك انا ..

[شَ ـآعُ ـٌر ٍ مُـً ِش‘ـًآعٌ َـْر ِ]

ماعدت اقوى بالقصايد اناجيك

ماعاد بلحافي قده ارجولي

بوحي..

[كلمة حق]

هذا غـلاك دايـم تبرهنـه الافـعـال
ياللـي تسـاوي فـي عيونـي كثيريـن


غلاك بقلبـي مايبـي شـرح وجـدال
ادري و تدري انك اغلا من العين

للي في بآلي

[الحــزن عــادة]

حبيبتي لا مـن غديتـي لـي سـراج اتبعـه
وكني غديت من الظما اركض ويطردني السراب
لا تبخلين اليا شربتـك ماشربتـك مـن سعـه
دامي من جروح الهموم الموجعه كلي صـواب
اليوم مرتنـي السوانـي والفصـول الاربعـه
اليوم مريـت الموانـي والمبانـي والسحـاب
اليوم ماكنـي لقيتـك مـر صوتـك ماسمعـه
اليوم ما كني فقدتك مـن سؤاليـن وجـواب
يابنت في خدك وهج سيل الشمـوس الساطعـه
احرق بداخل داخلـي انسـان ماهـو للتـراب
واللي خلق ظلـم الليالـي بالعيـون الهاجعـه
اني من الحرمان اتسائـل وحرمانـي جـواب
يوم الـوداع تخيلـي مالـي حبيـب اوادعـه
محروم انا وتخيلي محروم حتى مـن العـذاب
يابنت لـي قصـه تطـول بكلمتيـن موجعـه
هي باختصار اني انا اركض ويطردني السراب



..؛..( الحــــزن عــــادة )..؛..

[كلمة حق]

فز الخفوق وقلت يالله عسـى خيـر
وأثر الليالـى عـاد غايـب قمرهـا

ياصبح عمرى يـا صبـاح التباشيـر
نوره ملا قلبـى وروحـى غمرهـا

[كلمة حق]

يااللي[ غيابك ] مايسدونه الناس
..لو تجتمع كل المخاليق عندي..,
\
لك في حنايا الروح وحشه ومجلاس
..ماللغلا في وسط الأضلاع حدي..
\
يامن حضوره لاحضر [يلغي] الناس
..!واإن غاب ماغيره بعيني يسدي..!