(( كل ما يتعلق بمسلسل( حارتنا الحلوه ) من أخبار مستجده و آراء الجمهور ))

[قمر14]

تشرفنا ابكم في العيون حياكم الله

[الموادع]

نحن في النتظار يالذابح

[العنابي]

او لا :بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
ثانيا:السلام عليكم ورحمة الله وبركاته
ثالثا: بقول راي الخاص في الموضوع وابغى اللي يشارك في الرد لايتهور ولا يصير عصبي ويحكي بمنطق وفي النهايه اختلاف الراي لايفسد للود قضيه

عموما مادعاني لكتابة الموضوع بصراحه اولا قريت الموضوع في جريدة الرياض والردود كثيره ماشاء الله من انتقاد ووتوافق ووو. والشي الحلو كمان انه الملتقى اخذ له شهره في الجريده وكثيرمن سكان السعوديه يبقى رابط الموقع (( يعني خلو كلامكم وردودكم حلوه لاتجيبون العيد لان الكثير من المملكه يقرون كلامنا:sm281:))
بسم الله الرحمن الرحيم
راي بصراحه انا ضد هالمسلسل بصراحه وتمنيت اكثر تطلع شهرة مدينة العيون بشي يميز اسمها وتاريخها ويصير لها برنامج خاص باسمها وكرمها وطيبة اهلهامو تشتهر على حساب مسلسل يصير فيه اختلاط من الجنسين .واناكنت اتمنى يكون فيه تبادل ونقاش بهدوء ووجه لوجه من انتقاد بالمنتدى من معارض ومن موافق وتشهير باسماء ووصف المطاوعه باالمنافقين وووو. انا ضد كل ذالك طيب واللي يقول يتحدى اي مطوع مافي بيته دش اقول سلامتك والله كثير مافي بيوتهم دش تدري ليش لانه خايف على اولاده من الغزو الفكري من اولها 1- الاخبار والبنات اللي تذيع الاخبار 2- الرسوم المتحركه واتحدى اللي يقول الرسوم المتحركه مافيها شي اقولها اقعد وراقبها ورايح تشوف والله اشياء ماتتوقعها بس مشكلتنا نترك لعيالنا انهم يشوفون عشان نفتك من ازاعاجهم . ومواضيع كثيره راح تاخذ الوقت.((للمعلوميه انا في بيتي دش))
عموما ارجع لموضوعنا طيب .
طولت عليكم بس انا حبيت اوضح رايي وفي النهايه كل واحد يشيل عمله يوم القيامه ونسال الله حسن الخاتمه.
وبالنسبهللناس المعارضين الله يجزاهم كل خير انا اويد التفاهم من الوجه الى الوجه وليس عبر المايكروفونات والا بارسال مرسول تعال انت تبي تنهى عن الفحشاء والمنكر تعال وانصح .
اما بالنسبه للموويدين للمسلسل رجاءا عدم ذكر مطاوعه او منافقين كلنا مطوعين لله سبحانه وتعالى
وارجو ماتساعد على الشر فكر وفكر دائما للخير والكلام اللين وعدم الاساءه لاخرين اما ارهابيين او منافقين اتقوا الله تعالى وكل كلمه محسوبه عليكم.
وبالنسبه للمسلسل في البلد انا مثل ماقلت لكم راح تشوفون ثماره مستقبلا ليس عليكم وانما على الاجيال الجايه واللي رايح بيصير فيه ويتمنى انه يصير ممثل او ممثله وراح يهتمون اكثر بالمسلسلات والافلام والعلاقات اللي بتصير في المسلسل راح يطبقهالانه صغير ويسوي الشي على نياته ورايح تكبر معه وتصير عادي. وبدل مايصير ويجتهد في حقظ القران الكريم راح يتمنى انه يصير ممثل او ممثله.
الله يستر من الاجيال الجايه والغزو الفكري والله ثم والله انه موجود الان وبكثره في بيوتنا من خلال التلفزيون والجرايد والا نترنت والبلوتوث وووووو
.
والله طولت وخذني الحماس . بس اتمنى ان الناس تنتبه لعيالها شويه وانا اول واحد فيكم .
ويالله حسن الخاتمه.
وشكرا للجميع

[عطارد]

كلامك في الصميم يالعنابي

وانا من اشد المعارضين لتصوير المسلسل

وبالتوفيق

[فارس الميدان]

الله يعطيك العافيه

[القرش]

كل واحد له وجه نظر من معارض ومن موئيد التصوير اما انا من اشد الموئيدن التصوير
الله يوفقهم ان شاء تحياتي واشواقي

[سيف العيون]

أخي العنابي
في البداية ارحب بك اخي و أرحب بتواجدك في بيتك الثاني ....
أخي وجودك معنا يثرينا من المواضيع الحساسة الخاصة بالمجتمع .. فأنا اذكر أن لك .. قرابة العشر مواضيع التي تطرح عن أمور مجتمعنا

إذاً وجودك معنا ضروري جداً كونك إنسان لك وجهه و طابع يخصك في تنسيق المواضيع و النقاش فيها ثم إجاد الحلول


أخي لأعود في موضوعك الحالي :

1- تمنيت لو أدرجت هذا الرأي و النصائح في هذا الموضوع وعلى الرابط التالي

http://www.aloyun.com/vb/showthread.php?t=21909

(( كل ما يتعلق بمسلسل( حارة ابو إبراهيم) من أخبار مستجده و آراء الجمهور ))
أخي سوف تلاحظ أن معظم الأعضاء قد أدرجوا آرائهم في هذا الموضوع فلكل واحد له رأيه

كثرة المواضيع المتشابهه في الملتقى تفقده رونقه وربما تكون الردود ضعيفه لكثرة التكرار

2- أخي ذكرت نقاط أسأل الله أن يجعلها في ميزان حسناتك
الإختلاط , مساوئ الرسوم المتحركة , التنبية بوصف المطاوعة بالمنافقين , أخطار الدشوش



* اخي تمنيت لو كتبت بالشموليه حتى تكون العضة للجميع

اخي العنابي ننتظر قلمك المدوي و الأطروحات المفيدة دمت لنا سالماً من كل سوء

[رٍسِـــلآنٍ]

والله تعبت من كتابه رائيي في المواضيع الي راحت .....لذالك بختصار

شيل التلفزيون من بيتكم وترتاح ونرتاح حنا وياك ....

مابي اطول واجيب التناقضات ومدري ايش ...لان موضوعك الصراحه تم الرد عليه في الاسابيع الماضيه

الموضوع مكرر ومن وجه نضري يحذف احسن ....

مع احترامي الشديد لك

[أمير بكلمتي]

الله يعطيك العافيه

[احمد السبيعي]

شـكــ وبارك الله فيك ـــرا لك ... لك مني أجمل تحية .

بعطيك العافية.