(( سجل حضورك في بيت شعري ))

[الحــزن عــادة]

الله عليك .. يا نبض الأمل

صح لسانك .. دمتي سالمه




الحـــ ـــزن عـــ ـــادة

[الحــزن عــادة]

تفرقنا السنين ونجتمع والجرح نفس الجرح
على درب الفراق دموعنا تسبق خطاوينا
شرحت ظروفنا للوقت لكن مافهم للشرح
صبرنا والصبر جمره وراء الاضلاع كاوينا

ترى وجه المتيم لو تبسم لاتحسبه مرح
امانيه اتهاوى من عيونه مثل امانينا
بنى من ذكرياته في محيط العاطفه كم صرح
لكن هاج المحيط ومالقاله ساحل وميناء

ياناس العيد ماله لون ولاله طعم ولا له فرح
واذا قلتوا وش الاسباب قلت الله يعافينا
نلوم الوقت والقصة ماتبغي جمع ولا طرح
لأن العيب من ربي خلقنا ساكنن فينا






..؛.. الحـــ ــزن عـــ ــادة ..؛..

[الحــزن عــادة]

الله يغمرك بالهنا والسعاده .. ياللي جعلت ايامي افراح وياك
في نظرتك هيبه شموخ واراده .. وفي وقفتك تكثر بعيني مزاياك
واشوف ليلي بشعرك وسواده .. واشوف شمسي مشرقه في محياك
واشوف في رمشك جيوش الاباده .. واشوف في عينك مدارات وافلاك

سماع صوتك حزة النوم عـــــاده .. صار السهر .. شي اساسي بلياك
طلع معي سكر على غير عاده .. وهذي سبايب كثر وصلك ولاماك
في شفاتك الثنتين سكر زياده .. حاول تقلل نسبته في شفايااك
يمشي على شورك ويترك مراده .. قلب يحبك لأن .. ما عنده ادراك

وان غبت قلبي معلن لك حداده .. وان جيتني .. متعه حياتي بلقياك
خلاص انا قررت .. وبــلا هواده .. أفارقك واشبع خفوقي بفرقاك
تعبت من كثر الفرح والسعاده .. ابغي اجرب طعم الأحزان وياك






..؛.. الحــ ــزن عـــ ــادة ..؛..

[عَذْبَھْہّ]

انا والقلب والحلم الغريب ونقطة استفهام
وباقي ذكرياتٍ مابقالي غير ماضيها

اخلق المستحيل الصعب واقول ان الاملقدام
جروح ازيدها هم وقهر وجروح اداويها

واذاصارت حياتي نصفها واقع ونصف احلام
اقول الصفحه اللي ماتناسب ذوقي اطويها

[عَذْبَھْہّ]

تسأل عيوني يا غلاها عن الذوق
ما يكفي أنها سآهمت بإختيآرك

[عَذْبَھْہّ]

لي مبادي ثابته وأقيّم بـ مقياسي..
ماني اللي فالزمن على امرها مغلوبه

ابني احلامي على آمالي فـ غفلة ياسي..
وكل مانهدّت ارممها .. وطوبه طوبه

بنت وأملك من عطايا الوقت : عقل سياسي..
وأحتفظ ابـ روح طفله طاهره / وعذوبه

والفخر يبقى فـ ابوي / ومستواي وساسي ..
فالوجود اصدق من اللي فالورق مكتوبه

[كلمة حق]

فيني شعور ( اليوم) فايض / ومكبوت !
... ( قمة قهر ) تحتويني ... وأجامل !
أحاول أفهم شي / من نبرة الصوت !
.... وأحاول اشرح ضيقتي بألف عامل !
أزريت لا (أحيا) وعييت لا ( أموت) !
....وأيقنت محدٍ فالبشر كان / كامل !فيني شعور ( اليوم) فايض / ومكبوت !
... ( قمة قهر ) تحتويني ... وأجامل !
أحاول أفهم شي / من نبرة الصوت !
.... وأحاول اشرح ضيقتي بألف عامل !
أزريت لا (أحيا) وعييت لا ( أموت) !
....وأيقنت محدٍ فالبشر كان / كامل !

[كلمة حق]

خذني "سجين" بوسط عينك على طول
"واحذر" تقول في يوم بطلق سراحك

[كلمة حق]

من رافقك والله حشا مايخليك..
لو عاشرك كل الدهر مايملك ..
انا اشهد اني حرت مدري شسميك ..
كل الخصال النادره ينتمن لك ..
الطيب كنه شابك ايديه في ايديك..
ان كان له صاحب فهو صاحبن لك ..

[نبض الأمل]

ياقلب طالت قسوتك وانت ليـن

في قسوتك ياقلب ويش انت لاقي

اللي تعدى عمر ماهـوب هيـن

والعالم الله كم من العمـر باقـي