(( سجل حضورك في بيت شعري ))

[كلمة حق]

اشعلت لك خمسة قناديل لعيونك
تضوي بكونك يابعد كل كـــــوني!!

[نبض الأمل]

تِدْرِي اِنتْ لا مِنْ ضَحَكِتْ { وشْـ يِصِيِر} .. !

تِبْتِسمْ حَتَى الزوايا .. وَ يِضْحَكْ القَلْبْ الحَزِيِنْ ..

يِصِير فِي الكُونْ [ ارْتِعَاشَهْ] يِنْفِرجْ ضِيِـقْ ويِقُولْ ..

فِي حِضُورَهْـ آنا اغِيِبْ.. !!

[الحــزن عــادة]

( اصعب سؤال ) اللي جوابه للأسف مثله ( سؤال ) !!

...................... ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )

.................. كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!

.................. لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال

................. اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال

................. ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال

...................... ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال

.................... لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال

............... انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال

.................... لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال

............... وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال

.................. لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال

...................... وانا قبل لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال

................... واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )

............... ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال

................. يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال

............... للحب واحساس القصيد ان عانق الليل وسريت ..

ربي يصبرني على الفرقا مدام الحظ مال

............... وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))

.............. واقرى القصايد في غيابك كلبوها بيـــت ... بيـــت ..

بتدرى ان ( اصعب سؤال ) اللي يجي رده ( سؤال )

................ لا قلتلي ( وش ذكرك ؟ ) ثم قلتلك ( متى نسيت ؟)



..؛..( الحــــــــزن عـــــــــــادة )..؛..

[شَ ـآعُ ـٌر ٍ مُـً ِش‘ـًآعٌ َـْر ِ]

مسآفر ..

شايل معي دمعي الثقيل .. رايح ولا ادري من له ووين

سارح مع الهم العليل .. ذكرى على الشط الدفين ..

.......
بوحي ..

[كلمة حق]

هذه الآبيآت تذكرني في شخص غآلي علي يحمل هم غيره وينسه نفسه
آسآل الله السعاده لهذا الشخص في الدآرين

لاتسألوني عن سبب كتم الآحزان
بس اسألوني عن غيابي وحضوري
لاتسألوني عن سبب دمع الآعيان
بس أسألوني عن دواعي سروري
لاتسألوني عن تصاريف الأزمان
ترديدها يرهب ويرعب شعوري
أجامل أحبابي وربعي والأخوان
جبر الخواطر صار معنى حضوري
أعطيهم الفرحه وأنا وسط الآحزان
وأجبر كسور الغير وأهمل كسوري

[كلمة حق]

أنا يا غالي ما أقسى ولا أنسى
أنا سفينه كل ما ترحل ردها الشوق للمرسى

[شَ ـآعُ ـٌر ٍ مُـً ِش‘ـًآعٌ َـْر ِ]

تدري وش اصعب شي وش ممكن يكون؟

ان المسافه بيننا بس خطوتين ..

لكنها فجوه بقلوبنا خلت الوصل شبه المستحيل

خلت الورقى تغني شمع في ليل ٍ

و

قنديل

خلت البعد استشاره

والوصل مايستشير

حزت الدمعه بخدك بس قلبك هو عنيد

كنت ادري بالنهايه .. طالت المده بدايه

عاند القسوه ونام .. حظي اللي بالروايه

ادري مامثلي حبيبي ضحّى وحبك ..

وادري مامثلك حبيبي اكثر اللي قد هجر ..

خانت عيوني حبيبي موقف ٍ قد عشناه مره

اذكر اني كنت مره

ماسك العبره وخايف .. واذكرك كيف كنتي اقوى

والقساوه انا شايف ..

تدري اللحظه حبيبي وش هي معنى يعني لحظه؟

يعني موتي .. يعني مولد ذاك الاشقر
.. يعني نظره طيحت رجال قاسي

يعني بسمه من وراها

طاحوا رجال ومناصب

يعني خلوه بين قلبي وبين عقلي

يتضارب كل منهم
اتركه .. مااتركه .. اتركه .. ما اتركه ..

بوحي ..

[الحــزن عــادة]

لاصرت بايعني اشوفك على خير ...مع السلامه دام مابه سلامه

قلت انتهينه قلتلك خير يا طير .... ماني اول شخص يخسر غرامه

امحذرك من قبلها الف تحذير ....لعفتني بيعف قلبي هيامه

ماني بميت لا ولا احتاج تبرير....صح الله لسانك ووفر كلامه

بسمعك حبكه وفكره وتصوير...وافهم عدل يامدعي بالفهامه

وجه الشعر ابيض ويحتاج تبرير ...ودي تزينها القصيده علامه

ماضيك الاسود بذكره دون تقصير...كذا يكون بخده الشعر شامه

يصدق معي تعبير ويخون تعبير...ياضيعت الشاعر بوقت انسجامه

يمكن خطى دونك بالشعر مير....لو ماحترمتك للغرام احترامه

ماكان حبك غير بس طعنتك غير...علمتني معنى الندم والندامه

ماجاك مني اي زله وتقصير ....كل ما خطيت اعاتبك ببتسامه

حسبي على الذكره اذا هبت عصير ....ماعاد تنفع شرهتي والملامه

البال ظامي وقتها والحزن بير...خسرتك وهمي كسبت اهتمامه

ولين فازعلك كذا جاني مغير....ظلمتي واكثر طلمني ظلامه

لقبل علي اوحيت صوت المسايير....وفزيت كل ظيف يقوم بمقامه

وليا عزم هالليل ضيقه وتفكير...قلي بربك كيف اقدر انمه

مافي داعي للعتب والمعاذير...الغدر خان الجرح واطيب عمامه

اما يجيب الله مطر تالي وخير ..ولا السلامه ماشي مامن سلامه


..؛..( الحــــزن عــــــادة )..؛..

[نبض الأمل]

حزت الدمعه بخدك بس قلبك هو عنيد

كنت ادري بالنهايه .. طالت المده بدايه

عاند القسوه ونام .. حظي اللي بالروايه

كللل كلماتها وربي حلوه مره.....

يعطيك ربي العافيه شاعرنا ولاتحرمنا من جديدك الاكـــــــثر من رآئع..

[نبض الأمل]

* *


حبيبي ماتعبت تغيب عني والظروف اعذار
ترى مو كل يوم تعود بعد غياب . . تلقاني

*