(( سجل حضورك في بيت شعري ))

[كلمة حق]

معزتك عندي تراها مالها نوع ..
ومكانتك بالقلب ماحد لقاها ..
وغلاك في روحي ترى صار مزروع ..
حتى المشاعر ترجمتلك غلاها ..
وانا وقلبي والاحاسيس لك طوع ..
والروح لو راحت من أجلك فداها .. !!

[شَ ـآعُ ـٌر ٍ مُـً ِش‘ـًآعٌ َـْر ِ]

الحزن عاده

احترامي لما كتبت

لاصار القصيد ذوق

هذا منبع الذوق

تسلم يمينك ولا هنت ..

لو بس بعض الاوادم مايحطون الف قصيده ورا بعض

عشان نستمتع باللي تخطه ايادي الاعضاء هنا ..

.....

[شَ ـآعُ ـٌر ٍ مُـً ِش‘ـًآعٌ َـْر ِ]

لا بلاك الله بعآقه

من مقاريد الرفاقه

خل عنك الحماقه

لين ربك يقلعه

.....
بندر بن سرور ..

[كلمة حق]

بعض العرب دمه ثقيل
...................... كنك معه في مقطعه
اثقل من جبال السراه
..................... وشعابها المتفرعه
اللي يبي تكفير ذنب
.................... يجلس ربع ساعه معه
الثانيه في حضرته
.................... مثل سنه في قوقعه
تضيق بك وانته معه
................... كل الجهات الأربعه
موهوب في رسم الطريق
................... للضيق من عقب السعه
ومن ثقل دمه يعتقد
................... مواهبه .. متنوعه
ليا ضحكت مجامله
................... يفكر انك تشجعه
ان قلت عاقل محتمل
.................. وفيه احتمال انه امعه
بس الأكيد ان الحظيظ
.................. مايبصره ..ما يسمعه
لو تحذفه وسط البحر
................. يجيك بكره يدفعه
ويقول انا لاأستطيع
................ ان اهضمه .. ان ابلعه
شوفه يسبب لك شعور
................ ان الحياه مروعه
وان الليالي مقفيه
................ وان السنين مودعه
وان الطيور الطايرة
................. لابد يوم موقعه
وان النهاية مؤسفه
................ تحت تريله مسرعه
لو تذكر اسمه عند ذيب
................ تجيه اعاقه ف أربعه
على الهوا يعطي دروس
............... وقتك شلون تضيعه
هو مخترع سم الكبود
............... ومورده من مصنعه
ويحط لمساته عليه
............... ويغلفه .. ويوزعه
أشك في ثقب الأوزون
............... انه تسبب وفقعه
وانه سبب كل تفرقه
.............. واساس كل الزعزعه
ويمكن لو انه يلتفت
.............. للنيل وقف منبعه
ولو يلتفت يم القمر
................. يمكن يغير موقعه
جلسه معه وهو نشيط
.................. ياعنك ما هي ممتعه
الله يفكه من بلاه
................. ولاّ انه عنا يقلعه
ولاّ انه يسلط عليه
................. ويطيح له ف مقلّعه
تعلمه كيف الأصول
................ ان طاع ولا تصفعه
الناس ماهي فاضيه
................ للشوشره .. والقرقعه

[شَ ـآعُ ـٌر ٍ مُـً ِش‘ـًآعٌ َـْر ِ]

للصمت في بعض الاحيان لذه
لاصار حولك ضجيج وازعاج
حتى وان كان هيبتك فذه
يمكن كلامك معرض للاحراج
......
بوحي ..

[الحــزن عــادة]

يادمع عيني خف جرحت عيني
والعين تبكي خوف تفقد بصرها

كف يادمع ماودي انك تجيني
بنسى عسى نفسي تدارى خطرها

ودي الصبر والوقت يرحم انيني
والنفس من ذا الصبر تجني ثمرها

ياغير صبري مل والله يعيني
والروح تبكي ضايقه من صبرها

هو صاحبي كفا ودمر سنيني
كان الامل كان لحياتي عمرها

كان الوفى والشوق يموت فيني
هو دنيتي ملهم عيوني نظرها

هو غايتي هو راحتي هو ضنيني
هو مهجتي بالحب نفسي غمرها

ياحيف وقت حال بينه وبيني
وتبدلت الاحلام لحظة سفرها

واللي انكتب وانصاغ وسط الجبيني
لابد هالايام تكشف خبرها



..؛..الحـــــزن عـــــــادة..؛..

[نبض الأمل]

على السّكّة نويت أفرش أنا عمري بقايا حلم

تعب من كثر مالملم حنينه في |وسط دفتر|

[الحــزن عــادة]

صعب اجبر عيوني تنام
في ليله وانتي زعلانه
واذا مرت علي ايام
اجيك بروح ولهانه
معي حب وبقايا احلام
وباقه ورد خجلانه
خجول الورد ماينلام
لانك اجمل انسانه


عسى الله لايجيب خصام
لجل حبنا وعلى شانه
وكل مامر يجينا عام
هوانا تورق اغصانه
انا شوقي يزيد هيام
كثر ماروحي عشقانه
وانا من راسي للاقدام
مشاعر حب عطشانه


صعب اجبر عيوني تنام
في ليله وانتي زعلانه
واذا مرت علي ايام
اجيك بروح ولهانه
معي حب وبقايا احلام
وباقه ورد خجلانه
خجول الورد ماينلام
لانك اجمل انسانه


..؛..الحــــزن عــــادة..؛..

[همس الدلع]

في كل يوم يقل منسوب الاحـلام :: و العذر فوق اليآس تحت[ القناعه]
لو [تبكي ]الاوراق من نزف الاقلام :: اكثر جروحي ما عليهـا مناعـه

[شَ ـآعُ ـٌر ٍ مُـً ِش‘ـًآعٌ َـْر ِ]

بقولها شامخ وعزة نفس وطول ماطاح

مرفوع راسي واخلي الجرح للناس كاشف

ادري طعنتيني وطعنك في الصدر جراح

شوفي الرجوله بالقلب سكينك وللحين واقف

.......

بوح ـي ..