(( سجل حضورك في بيت شعري ))

[أبو محمد]

والله ين بعض البشر مالهم حل
عشان يمشي صح لازم تهينه

والله ين بعض الشوارب على الطل
مهيب شوارب عز ياحيف زينه

للطيب اخلق عذر وش عاد لو زل
وقفات ماضيه تبيض جبينه

ولا الردي ما ودك تشوف له ضل
تخاف لا تعديك لمست يمينه

عسى يدين تحضن الشح تنشل
لا حتاجه المديون متفك دينه

والله من شوفة عزيزا وينذل
وعزاه ياشعور الغدر والغبينه

وش عاد باقي يازمن قول وش ضل
حتى عبادتنا جفتها السكينه

اول نقول لمن شكى الضيق قم صل
وقراء كتاب الي خلق واستعينه

واليوم واحداً همومه كما التل
وندور الراحه بغاني حزينه

حنا السبب ايمانا صار مختل
نركض ونتبع كل شهوه لعينه

اجزل كلام الشخص مادل وان قل
من لا يعين الناس محدا يعينه

وسيفا ماهو لادين والعرض ينسل
خله بغمده سيف عرضة وزينه

الشاعر حزام الشاهين