لماذا لايعترف الشاب العيوني بالرومنسيه؟هل تنقص من رجولته امآ مآذا؟

[أنسان عاتي]

المشاركة الأصلية كتبت بواسطة فخر%سبيع

السلام عليكم ورحمة الله وبركآته

وعليكم السلام ورحمة الله وبركاته

هذا أول موضوع لي ويآليت ألقى تفآعل

حياك الله وان شاء الله اثر التفاعل يكرر مواضيعك وابداعك

موضوعي عن شبآب العيون ورومنسيتهم أو أقول شخصيتهم مع زوجآتهم خوآتهم يعني الجنس النآعم

حلوو الموضوع ويتحدث عن شئ اساسي في تكوين مجتمع راقي

ليه دآيم يآشبآبنآ نشوف منكم جفآ لاتنكرون !!

مااحد ينكر ذلك بس اتمنى مايكون موصوف بكل الشباب لأن الله خلق وفرق

يعني مايصير مشآعرنآ كآ أنآث معروف عنآ الرقه والنعومه والحالميه تسفهونهآ وتعآملونهآ بجفآ

هذا المعروف بس اتمنى يكون فيه انصاف ولا كل بنت لها هالمواصفات

لو وحده تبي تتغزل بزوجهآ فكينآ بس

يحرم نفسه بداعي الجهل او تأثير التربيه

ولاعمي تو متزوج يصارخ لزوجته هي انتي تغطي =بالله وش هالأسلوب ولا عروس بعد

مع ان واضح الأعجاب بعينه فيها

ليه مشاعركم الحنونه ماتظهرونها الا في بعض المواقف

يمكن هذا اللي يبي يطبق عطها العين الحمرا من البدايه وطبعا يكون متأثر بكلام الاصحاب او نصائح الجهل

اذا انتي ياخوي يازوجي مابدلتني المشاعر من يبادلني؟؟

وهذا ماله اجابه بس اتمنى برضوا يطرح على البنت واذا مافيه اجابه اقول مالك الا الصبر واحتساب الاجر

ليه الصراخ دايم طبعكم واوف ردكم!!

هذه طبايع المرجله اللي على قل سنع والاحساس بالمسئوليه

خاطري مره تودونا مكان من نفسكم بدال ماحنا نزن على راسكم

اكثرهم يقولون وبالذات اللي في بدايته يسوق ابشري ولايهمك وبعد مايستلم السياره لاحياة لمن تنادي وهذا يرجع لولي الامر
والبنت ايضا وطريقة تعاملها داخل البيت

حياتكم بر بحر ومافيه وقت لأهاليكم

من شان يكون عند اصحابه راعي كلمه ولو احد يسأله من معه راحوا اهلك او زوجتك يقول مع السواق (ياحيف )

معليش اغلبكم طابع العصبيه فيه يعنني شخصيه

صحيح عصبيه بس هنا يرجع الدور للمرأه وطريقة تفاهمها او توضيحها سواء بالاسلوب او التعامل الغير مباشر

ماتدرون ان البنات صارو يطلبون من الله يرزقهم بشاب غير مهوب من العيون

اتمنى ان البنت يكون عندها قرار زواجها او بالاصح يسمح لها بتحديد مهرها ومتطلباتها

مثل انا كنت بالمشغل قالت ماخذه من وين عبالها عيوني قلت لا انا من برا

قالت ياحظك وش لك بالعيون يصارخ ومايبي غير يعبي بطنه الحياه معه تطفش

الزواج قسمه ونصيب والخيره فيما اختارها الله واحيان يطلع الزوج يطفش ودلوع واحيان تطلع الزوجه نفخه والبطن خالي

وترد الثانيه اي والله صدقتي

ماشاء الله واشهدت لها يمكن لانهم يقربون لبعض ول مسكين والله الشباب اللي اذا اخطى فيهم واحد راحوا فيها كلهم

وخذ الكلام اللي يذم فيكم وصلتو الحريم لهالحال !!

تعجبني هيبتك ورزتك كرجال يالعيوني بس مايعجبني انك تزودها على حساب مشاعرنا !!

عين العقل والرسول عليه الصلاه والسلام قال (خيركم لأهله وانا خيركم لأهلي )

يعني بعضكم حتى لارد على زوجته قدام ربعه اوف هالغثه اتصلت؟؟

اخذت فتره غيرت اسمها في جوالي وسميتها وينك؟؟؟ صحيح كلامك لازم يكون الرد ذرب ومحترم بس برضوا البعض تلاحظين انها
من كثر اتصالها على زوجها او حتى الاهل على ولدهم يوصل احساس بعدم الثقه او المجامله بالاهتمام

ورده خير متصله؟

وهو بالبيت شوي ويذوب عليها

يعني بتنقطع منك يد ولا رجل لو قلت هلا حبيبتي؟

رديت بأسلوب لبق

بينقص من رجولتك ماقلنا تغزل فينا قدام الله وخلقه بس احسن من سلوكك

يمكن يستحي او انه ماشاف هالاحساس مع ان اي شي تطلبه لازم تعطيه وغير ذلك يعتبر دلاخه مخلوطه بشده على عماها

انا زوجي جينا لدوار وماسك يدي

عرفوني بنات من العايله شفتهم قالو وربي محظوظه لو ازواجنا قالو لنا تبون تفشلونا نمسك يدكم برا

ليه مهوب زوجتك؟حلالك؟مسوي شي غلط انت

المره لامسكت يد زوجها تجبره مايطالع غيرها وتملك قلبه

ورب الكعبه يابنت اني سويتها وزوجتي اسمعت بنت وبرضوا من اقاربنا قالت بأني ماسك يد زوجتي بكت وسوتها مشكله
قلت لها خلاص اذا جينا نروح ثاني بتلثم اذا مسكت يدك

حتى بعض شبابنا صار يتمنى يتزوج من برا قال ابي وحده تدلعني تهتم فيني؟

اوما في هذه بيض الله وجهك احسااسي انصفتي الشباب والحمدلله ناس كثير تزوجت من برا وافلحت وبنات تزوجوا من برا وافلحوا
واعتقد من الاسباب للزواج السعيد التفائل بالخير

انت عطيت بنات ديرتك فرصه ؟ عطيت خواتك فرصه لحنانك ومزحك وضحكك معهم؟؟

مشكله والله واعتبرها مرض مزمن اذا تشوفين رجال برا ضحوك وذو شعبيه ومحبوب من الجميع وداخل بيته ومع من لهم الاولويه
مختلف تماما ويفتكر نفسه انه من عالم الاجداد

كيف ماتبونهم يتاثرون وانتم ماتقدرون مشآعرهم؟

ربي يستر على الجميع واذا بليتم فاستتروا

وبالنهايه الموضوع لنقاش لااكثر واتمنى محدن يجرح

سلام

حياك الله اخت فخر سبيع
وننتظر جديدك ولك التحيه