(( يابوووووي ))

[[ Tbari7 ]]

يَارَبِيْ :( طَق بِيْ عِرق اللقَافَهْ .. أسْتَاذ عبدالرحمَنْ ممكِن أتليِقَفْ ؟! <-- رافعه صبعها :sm141:

أختِيْ ( قصيدَهْ منسيّةْ ) جعلْ تنساك الأحزَانْ قوُلِيْ امِينْ .. حَرَامْ تضِيعْ موْهِبتِكْ بِ الكِتَابَهْ والمَفرُوُضْ صقلهَا ..
وهذِيْ مُداخلتيْ قلتْ يمكِن تجِيبْ نتيجَهْ بعد أذنْ الأستاذ : عبدالرحمنْ ..
مَارَح أنتَقِد النَصْ ولا أتفلْسَفْ علِيكْ .. أبَدخِلْ فِي صَلبْ الموُضوُعْ مُبَاشَرَهْ ..
بشَكِلْ عَامْ أسْهَلْ البحوُر علىَ الأطلاَق وأكثرْهَا أستِخدَامْ فِيْ السَاحَهْ هو بحر المَسْحوُبْ ..
أبتدِي كتَابَة نصوُصِك علىَ بحر المسحوُبْ وَ أضمِنْ لكْ أبدَاعِكْ فيْ أصعَبْ البحوُرْ .. طبعاً مع مراعاة أوقاتْ تذكيرك وتأنيثك للكلمات والمعنى وتسلسل الفكره ..
وأيضاً مراعاة ان فيه كلمات تُكتب ولاتُنطِق .. بمعنى أنك تكتبينها بشكل سليم وصحيح لكن بوقت النطق تختفي و نفس الحال مع الوزن .. لاتوزنين الحروف اللي ماتنطقينها ..

ورح أعطيك مثال :

أنتي قلتي بمطلع القصيده :-
يابوي غديت بعدك مكسور وبصير

أنا صلحتها وقلت :
غديت أنا يابوي بعدك كسيره

أولاً : راعيت وجود التأنيث بحكم أني أنثى وأخاطب ذكر اللي هو ( أبوي )
ثانياً : كسيره أقرب للمعنى من بصيره لأن بصيره يعني عميا بسم الله عليك ..
ثالثاً : كتبتها على بحر المسحوب ( مستفعلن - مستفعلن - فاعلاتن )
طبعاً الوزن فيه حاجتين [ مُتحرك وَ سَاكِن ] .
التسكين والتحريك على حسب النطق لكن فيه حروف علّه ( ي , و , أ ) ذولا مسكونات خلقه الله لايبلانا :cool:
يعني أي كلمه بوسطها أو آخرها حرف علّه لازم توقفين وتسكنينهَا .. عدا أن أتت مُتحرِكَه والمتحرك يعني الحرف اللي يجي ( بالفتحه والكسره والضمه ) نسميه متحرك والسكون متهاوش معهم خليه يوليْ ^.^

نجي لشرح التقطيع :

غديت أنا يابوي بعدك كسيره
البحر ( مستفعلن - مستفعلن - فاعلاتن )

قطعته على حسب التحريك والتسكين وصار :

مس-تف-علن | مس-تف-علن | فا- ..علا .-تن
غَدْ-دِيـْ-تَنَاْ |.. يَاْ-.. بَوْ- يَبَعْ | دِكْ - كسيـْ - رَهْ

مس ( متحرك /ساكن ) .. تف ( متحرك/ساكِن ) .. عِلنْ ( متحرك /متحرك/ ساكٍن ) .... ألخْ .

لاحظي كلمة ( أنا ) الألف مو محسوبه بالوزن بعد ذي متهاوشين معها لأنها بالاساس تكتُبْ ومعَ النطق تصير غديتـ,ـنا .. لو وزنتيها مع الألفْ يخرب الوزنْ ..
جربي وشوفي على الشرط ْ تخاصمينها مثلي =) .. وأستمري على هالمنوال .. قسم أن تدعين ليْ <-- والله ياخوفي تدعين عليْ :confused:

وأن غرزتي بالتقطيع .. لا يردك ألا اللحن على أغنية محمد عبده ( ياليل خبرني عن أمر المعاناه )
أو أنشودة حامد الضبعان ( هاذي قصيده من قصار القصايد ) وهذا رابطها
http://www.qassimy.com/nu/voices-act...ow-id-1085.htm

رح أكمّل البيت عشان أساعدك :

غَدِيْتَ انا يابوي بعدِك كسِيرَهْ
......................... من يوم ما أقفيت عنّي للثرَى
رحت وأنا مازلتْ بنتن صغيره
.........................الحزن يلعبّيْ وهمّي بيْ سرى
الكل بايع في غيابك ضميره
........................ ونا وجرحي ماحدن فينا درى

أنصحك تغيرين قافية العجزْ ( ثرى , سرى , هرى ) لأنها تسببْ خللْ في النص بزيادة الحروف وتقيْدِك عن التعبير في الأغلبْ ,
بالذات لو النَصْ كان طويلْ ومُقيّد بنفس القافيه ووجوُبْ عدم تكرار ها في الأشطر ألا بعد 6 أبياتْ بالكثير ..
بالعلم أن أغلب الشُعراء (مايعتلوا همّا ) على قولة أخوانا اللبنانيين ^.^ <-- والله أنك متفرغه :cool:
لأنه بنظرهم خطأ طفيف ومايأثر بالوزنْ ..

والباقي عند الأستاذ :
عبدالرحمن لانستغنِيْ عن ملاحظاتِهْ فهوَ أعمَقْ في المَعرِفَه منّيْ وما لقافتي إلا مُداخله بسيطه من تلميذَه ماوَرَاها ألا الدَجّهْ ..
بِ التوفِيقْ .!