(( سجل حضورك في بيت شعري ))

[كلمة حق]

بعض البشر يزرع بك الطيب قـوه
وبعض البشر جاحد ولو تنزرع فيـه
والبعـض لامنـك تماكنـت جـوه
لو تطلبه عينـه نطـق سـم لبيـه
وبعض البشر تجنـي عليـه الفتـوه
مايدري ان الوقت يردع عـن التيـه
وخطوة حقود ٍداخـل الصـدر زوه
اسود من المحمـاس بالغـل يبريـه
وخطوة سموحن قلبـه بحلـق هـوه
غيـر البيـاض يسّقطـه مايدانيـه
والبعض دايم ملحـق النـاس سـوه
لحم البشر عـن كـل زادن يبديـه
والناس فيهـم كالجبـل فـي علـوّه
ماأحدن على الرفعه يحاول يجاريـه
وايضآ بهم مثـل الطريـق المشـوه
كلما وطى يصعب على الرجل تمشيه
ومنهم كما جرمن علـى جـال دوه
يصفي رمـادٍ ماهـو بطيـن تبنيـه
انواع جنب انـواع وان قيـل خـوه
احرص على اللي يرفعـك لاتعديـه
اللي مع الفزعـات عنـده المـروه
يدفن خطاك ولاانجهل طيب يبديـه
أتعب على وصل اللذي طـاب نـوه
وأحشم ترابك عن عجاج المكاريـه
وأشره على الخيّر أصيـل الربـوه
وإلا الردي ماهو بحمّـل المشاريـه
وكلن على ماشـب ينشـاف ضـوه
والله علـى قـدر النوايـا بيعطيـه