(( سجل حضورك في بيت شعري ))

[كلمة حق]

ياقلب لاتشكي همومك على الناس
............ماكل شخص(ن)يعذرك في مصابك


لاتسكب الدمعه على خد حساس
............ولا تحرق اوراق الزهر في عتابك


ولا تضيق الصدر المولع بالانفاس
............ولاتقطع عروق(ن)بكت عند بابك


ياقلب ولله مابقى بعيني انعاس
.............يومك شكيت همك محد(ن)درابك


النار ماتحرق سوى رجل من داس
..................وللي كواه الوقت يفهم خطابك


ياقلب اعرف معدنك معدن الماس
...............صادق توفي الروح لوهو رمابك


ياقلب خلك بالشدايد قوى باس
..................لا تلتفت للجرح لوهو سطابك


ياقلب لا تسقي عروقك من الياس
...............وخل الامل والصدق دايم زهابك


مادام طاحت فاسك اليوم بالراس
...............اعذر جميع الناس واخفي عذابك