لماذا حين نختلف نفترق!!وحين نفترق نندم!!

[مخاوي الصمت]

اختي نانا مشكوره على هالموضوع الحلو...

بصراحه موضوع يلمس الوتر الحساس في علاقة اي انسان ...

النسبه المؤيه صعبه نحددها الا اذا اخذنا اراء المجتمع باكمله او على الاقل شريحه كبيره منه ...

لكن بصراحه اذا شخص صدق الواشين في صديق عمره او اخوه هذا مايستاهل الاخوه ابد ولا الصداقه المفروض انه يسأله هل صحيح انت قلت كذا او لا واذا كان فعلا قاله يفهم منه ليش قاله وايش يقصد فيه لكن انه يمسك طرف الكلام ويصدق في صديقه او اخوه اي كلام هذا مو منطق...

اما بالنسبه للاختلاف فالمفروض كل واحد يعمل بالمقوله ((الاختلاف في وجهات النظر لايفسد للود قضيه)) كل انسان بطبيعته له نظره محدده لكل شي حوله ممكن تتفق مع رأي غيره وممكن تختلف ...
اذا اتفقوأ فهذا شي حلو بس اذا اختلفو هذا مايعني ان كل الاثنين صح او انهم كلهم غلط يمكن يكونون صح او واحد منهم صح لكن هذا مايخلي الشخص الاخر يتمسك برأيه
ويسبب خلافات بسبب اختلاف في وجهة نظر...

ولازم نعرف الفرق بين الخلاف والاختلاف عشان نقدر نفهم علاقاتنا بالاخرين ...
وبصراحه اكثر شي يقهر ان الشخص ينسف علاقة سنوات طويله بسبب كلام سمعه بالغلط او بسبب اختلاف في موضوع معين ..
وعشان نقدر نتغلب على مشكلة الخلاف او الاختلاف لابد ننشر بين بعضنا ثقافة الحوار والتفاهم ونؤمن ان الاختلاف في وجهات النظر لايفسد للود قضيه ...
...

واتمنى اني اكون قدمت شيء مفيد بموضوعك...

وختاما اشكرك اختي على طرحك الرائع ...