اسماء الشدي وقصيدة النساء

[اسماء الشدي]

بسم الله الرحمن الرحيم

هذه قصيده عن النساء وعن امور استجدت في هذا الوقت الذي انقلبت فيه الموازين0


مايهز الطود المعلى هوج الصفير = ومايضر السحايب نبح الكلاب
هيه ياللي تنطح السيل الهدير = ضاعت القوة في لج العباب
والحظيظ اللي كبير من كبير= العريب اللي خواله ما تعاب
ومن بغى سيف صقيل شطير =عزوة له في القسا مايهاب
يافتى في النساء لاتضيع وتحير=خير ما يملك من اموال وزهاب
بنت قرم حاذقي بصير = كلمته تنفذ كما رمي الشهاب
من بنات الدين والعلم الوفير = من بنات الجزيرة ازكى تراب
والغريرة ماتجيب الا الغرير=لاظهر خاله يطلبه الذهاب
عارفن موقعه في قومه صغير=عارفن قدره كما قدر الذباب
لو يدجج بالقنابل والذخير=والمدد ياتيه من صحبه حراب
ولو يجمل بالدمقسي الحرير=ويسكن قصور على متن السحاب
ولوحشد له من مهابيله مغير=ولو فتح له في الكذب تسعين باب
ويش يسوى غير شروى نقير=كنها بيت العناكب او هباب
الخلا خلك على همك قرير=اشرب الاوهام في كاس السراب
هيه ياقاري قصيدي لاتجير= لا تقول اني اصفي لي حساب
هاضني ماشفت من امرن مرير =حرك الفتنة وسير له ركاب
اصبح اللاش المهمش خبير= والثعل يقدم على فرس الذياب
والشواهين الحرار اللي تغير =وحومها في الجو كرن وانسحاب
شابهوها بكل طيرن يطير=وش يجيب الحر جنب الغراب
وش بقى ماصار ويش اللي يصير=اضحت الدنيا كما مفهوم غاب
كلمتين في صندوق صدري تستجير= تطلب العتق مني وفك الرقاب
احذراللي غدر بك واحذر تسير =فوق دربه كل دربه خراب
والحقيرة ماتجيب الا الحقير =وينكشف زيفها ولو تزمل بالثياب
فحها فح الحيايا في الحفير =وسمها رايب على راس ناب
عاش ابوها من تقاليده خسير =عاش عمره في الخزي لين شاب
كلهم في الشين شرن شرير=ولا متاب ولا رجوع ولا اياب
والذي حبله على غارب بعير= ولاسؤال ولاحساب ولا عقاب
عاش عمره نادمن محبط حسير=عاش عمره يجرع افعاله شراب
والفتى اللي تارك الدرب المنير= لايلوم النفس في ترك الصواب
قلت ماعندي وانا النبع الغدير=واعلنت شمس القلم حزة غياب

شعر\ اسماء الشدي