ليـہ..آلقلوب ~ آللـــے نبيـهآ ..آتغ ـــلآ ..!

[نبض الأمل]

....
...
..
.
حنا العطش وآمالنا تشحذ الغيم
وبأحلامنا فوق السحاب انتعلا

دام الظما شاهد على الياس والضيم
ليه القلوب الي نبيها تغلا




...

على وين المسافه ياالطريـق الموحـش المهجـور
مشيت ولا لقيت الـي عليـه اشكـي معاناتـي

بديت استثقل الخطوه واحـس بعتمـة الديجـور
غفا صبح السما والريح من بين اضلعـي عاتـي

علـى عكـازي الهالـك ادور للمسافـه نـور
رغم عنف الصحاري للأمـل جريـت خطواتـي

احس ان الوجيه شباح ..... وقلوب الوجيه قبور
تحاصرني ملامحهـا وعجـزت اطـوي مسافاتـي

صدحت بصوت زفرات الألم ياحلمـي الميسـور
وداعك جرح مايبـرى ولايستوعـب اسكاتـي

اذاماللجفـا حيـره انـا ليـه اتبعـك مجبـور
واذا ماهمك اشتاتي !!!.......من اللي يجمع اشتاتي

تعال وشفني مشيًب على بـاب الرجـا مقهـور
تعبت انخاك عن وجه الظـلام ودمـع ضيقاتـي

تعذّر لي عن غيابـك واقـول ان الوفـي معـذور
اعيـش بعـذر متهالـك ..ولاحيـرة متاهاتـي

اشوفك ناوي تقًفي وانـا مابيـن بـاب وسـور
سهرتك لين ماعافـت عيونـي طيـش نظراتـي

احبك كثر مالجت ضلوعي مـن غيـاب وجـور
احبك كثـر ماكـان الجفـا يستوحشـه ذاتـي

احبك يابعد جـرح الغريـب التايـه المذعـور
احبك كثر مااحتجتك..... كثر نزفـي ولوعاتـي

احبك كثر ماكنـت بغرامـك ياالغـلا مغـرور
احبك من بدا عمـري معـك لاخـر محطاتـي

حبيبي ماقدرت انطق غلاك ولا وصفت شعـور
عجزت اوصف كبر قدر الغلا من رعشة اشفاتـي
...
..
.
رآقت لي كثير’آ
:)