(( سجل حضورك في بيت شعري ))

[نبض الأمل]

تشفى عاذلي وصارت تلومني عليه الناس
جفاني دون ما أدري ترك باب الرجى مسدود
ياربي ويش اسوي به عطيته الحب دون قياس
تبرى وكل ما فيني من الحيرة عليه شهود
بعد عشرة عمر مرة ظهر لي خالي الاحساس
سقيته من هنى العشرة سقاني في المحبة جحود
ولا لوم الصديق اللي زرع فيني شعور الياس
الوم القلب لي حبه و اوفى له كثير وعود
ولا لي في الجفى حيله ولا لي في غيابه راس
ولا مرة سال عني ولا تكلف علي ردود
عفت كل ناسي وربعي اصطفيته خيرة الجلاس
هقيت العشرة تشفع له واثاري خافقه جلمود
وش اعطي كثر ما اعطيت جعلته في المحبة ساس
بنيت العز له قصرٍ كبيرٍ من حرس وجنود
فكل وقت وله ناسه وكل ثوب وله لباس
مثل ما قيل في الاول مصيرة للزمان يعود
عفى قلبي عن ذنوبه وان اخطى على لاباس
صحيح انه قطع وصله ولكن وصلي له ممدود

:)