أروح أروح .. وأرجع لك

[عَذْبَھْہّ]

أروح أروح .. وأرجع لك منادي
للحين للحين .. مازلتي على بالي

مدري أنا ليه أروح أروح .. وأرجع لك
احترت ياغاليه باحساسك الغالي

مابين كثر الجروح وقلب يشفعلك
مدري وش الحل لا راضي ولا سالي

إلى متى لاهيه والشوق خاضعلك
ذكرى لياليك تحيي ميت آمالي

واحس بك واتغنى فيك واسمع لك
ماقول قلبي على الأحباب متعالي

المسأله كل مافيني تواضع لك
لا تسأليني وانا أحبك عن أحوالي

الروح تنبض غلا والعين تدمع لك
شفتك بقلبي وشفت أفراحي قبالي

وقلتي لي انك بخير وقلت .. ياجعلك
اشكي .. وتشكين من بعدي وترحالي

قلتي على مين طالع قلت طالع لك
ياسالفة عشق أسولفها وأنا لحالي

يرضيك لو قلت .. هذا الحزن من فعلك ؟
ياحبي الأول وياحبي التالي


عرفت أنا ليه أروح أروح .. وأرجع لك .. ؟

مقطوف