(( سجل حضورك في بيت شعري ))

[الحــزن عــادة]

البارحـه مابيـن همـي .. والاوراق
جر القلم .. طـاروق حـزنٍ يسليـه


واسترسلت ابيات .. شعري من اعماق
الموقف اللي مر .. وازريـت اعديـه


موعد لقا .. مبني على نيّـة فـراق
كان الأخير وضيّق .. الصـدر طاريـه


ولاهي غريبه لو اقول : الصدر ضـاق
لكن الاغرب !! كيف ما آودّعه فيه ؟؟


كانت دموعه تختنق بيـن الاحـداق
ونظرات عينـي تقتلـه ... ثـم تحييـه


كني جلست اعلمه / كيـف يشتـاق !
وكنه يعلم شعـري / شلـون يرثيـه !


شح الزمن بمواصله .. والمسا سـاق
حزن القصايـد
والـ ع ـتـب
والمشاريـه


ياليل والله : مـا ورى ليلـك اشـراق
النور عانـه يسحبـه فـي : خطاويـه


عشـاق ,
قلي ويش !!
أو ليش عشاق ؟؟
إلا : ضحايا وقـت مـدري شسميـه !


يقطع سنين العشق يادرب الاشـواق
ياليت بيدي شـي واقـدر .. اسويـه







..؛..( الحــــزن عـــــادة )..؛..