تذكرون الطفل اللي كنت بقلده

[أبو طلال]

تذكرون والا لا ؟

الطفل اللي كان يجمع علب المشروبات الغازية ويعطيها اللي يجمعونها من العمال .

هذا رابط الموضوع حقه عشان تذكرونه

http://www.aloyun.com/vb/showthread.php?t=37968


صادفته مرة مع ابوه طالعين من المسجد
قلت له ماشاء الله على ولدك ذاك اليوم صار كذا وكذا ( علمته السالفة )
قال الله يصلحه ويعافيه ترى له شغلات أكثر وأكبر من هذه
قلت مثل أيش ؟
قال هو اللي خلاني أترك الدخان

كان يجمع بقايا السجاير ويحطها في جيوبي
ويحطها في السيارة ودروج المكتب حقي في البيت .
وكل مرة أعصب عليه وهو يرد علي بأن
ليه ليه تعصب علي وأنت تحط الدخان داخل جسمك وماتزعل

وتزعل علي يوم حطيتها في اماكن يمكن تنظيفها مثل ثوبك ودرج المكتب
بس جسمك يتضرر اكثر من درج المكتب فكيف تقدر تنظف داخل جسمك ؟ .

عاد أنا أستحيت على نفسي وتوقفت عن التدخين .