كبسه كبسه كبسه

[عَذْبَھْہّ]

الكبـــــــــسه .... العشـــــــــــــــق الأول








كلنا نعرفها .... و كلنا نسويها .... و كلنا نحبها

لا جديد في الموضوع .... الا اختلافات بسيطه في طريقة التنفيذ

راح اعرض لكم طريقه اخرى .... و اتمنى تجربونها و تنال رضاكم







ما راح اذكر مقادير معينه .... لأنها تختلف حسب الكميات


اول شي نحمي شوي زيت ... و نحط البصل و نخليه يتكرمل

نضيف ثوم مهروس و قرن فلفل حار و بهارات عدله ( مسمار + ورق غار + هيل + اعواد قرفه )

نضيف قطه صغيره من الفلفل البارد و كميه من الجزر المبشور و نحركهم سوى

نضيف اللحم و بهارات مطحونه ( ليمون اسود + قرفه + كزبره + كركم + كمون ) و نحركهم سوى و نخليهم يتسبكون

نضيف طماطه مقطعه الى مكعبات كبيره .... و اخيرا ماء مغلي و ليمون اسود

و نتركهم الى ان ينضج اللحم ...

نضبط الملح .... و نشيل اللحم و نحطه بصينيه و نضيف له الآتي ( فنجان شاهي من المرق مخلوط معاه زعفران + فص ثوم +

ملعقة اكل صويا صوص + ملعقة صغيره بهارات مشكله + ملعقة وورشستر صوص ( يمكن الإستغناء عنها )

نتبل اللحم بالخلطه ... و نرش عليه فلفل اسود ... و ندخله الفرن حتى يتحمر

نحط الرز في المرق و نصب عليه زيت .... و نتركه الى ان يستوي

لعمل الحشوه : نقطع بصل شرايح و نرشه بملح و طحين .... و نحمره في الزيت و نضيف له فلفل بارد مقطع صغار

و كميه من الجزر المبشور و زبيت و صنوبر

اخيرا ..... نحط الرز و عليه اللحم و الحشوه

من الأفضل قصدرة الصحن شوي قبل تقديمه عشان الرز ياخذ نكهة الحشوه

او .... نصب قليل من الحشوه على الرز قبل مايستوي بشوي .... طبعا من دون تحريكها













و تقدم بالعــــافيه...الف عوافي ع قلبكم