ياخي ترا مشاعري عــ/ الحديدة

[كـَآآفيـ،]|ـصَدمـَآآتـ..}]

الحزن بيت 00 وصادق الدمع شباك
والليل خيم فوق صدر القصيده

والهم شعلة 00 والمعاذير تنباك
منها ضلوع الصدر راحت وقيدة

طعنت ظهر الحب 00 وازداد الارباك
ولا فية علم جاي من تحت حيدة

وحاولت اداري غلطتك واتحاشاك
واثرك من الله ودك ابها نكيدة

مدري وش اللي فية قصرت 00وش جاك
مصدوم منك 00 وصدمتي بك شديده

مدري أقول انك على البال وابغاك
والا غديت لمخلب الكرة صيدة

اتبعتني من كثر ماودي ارضاك
وضحيت من شانك 00باشياء عديده

وكثر الخطأ من عين مغليك وطاك
من عقب 00 مانت براس ماله رصيدة

صحيح أحبك واعشقك واتمناك
لكن سجين الصدر / فكيت قيدة

دفتر معاذيرك00 شكى من سواياك
ماعاد باقي فية صفحة جديدة

تعبت اجمل فيك 00 وادمح خطاياك
ياخي ترا مشاعري عــ/ الحديدة

ماعادني ياصاحبي بترجاك
فارق 00 ترا لا رحت ماانت بفقيدة

مانيب قايل عذب القلب فرقاك
بالعكس من بعدك حياتي سعيدة

للشاعر :
جزاء البقمي