ثــــــــــــــورة مصــــــــــــاليخ

[سطل]

]

نرجو من السيدات والساده --> يازينك ساكت .....ربط الاحزمه وكل واحد ينطعج على بطنه وفصل السلك وبحلقة العيون

ونحن نرحب بكم على متن طائرة جيزان للخطوط الدلخيه ونرجو من صلاختكم عدم التنقيز من بين السطور والذهاب الى المؤخره --> مؤخرة الموضوع ياصلخ

المقدمه :-

بعد التحيه والسلام...... اظن اننا كلنا نتتفق على ان السبايك(المصاليخ) هم ثروه ثمينه موجوده على سطح كوكبنا ومحرومين منها اهالي الكواكب الاخرا ...ارجوا ان تتخيلوا ولو للحظه الدنيا بدونهم .... صدقوني ما تسوى ... هم الفرحه هم البسمه هم فلذات اكبادنا هم المعنى الحقيقي للسعاده حتى السعاده الزوجيه تخيلو الزوج سبيكه المره تامر وتنهي وهو مفهي ومبسوط :eek: واذا قلنا الزوجه سبيكه الزوج يلعب بذيله وهي من جنبها ما تدري <<<< مب هذي سعاده برضوا ...المهم ان السبايك حبايبنا فلازم نقدرهم !!!!! ولكن الحقيقه اننا ما قدرنا هذي النعمه والنعمه زواله آخ آآآآخ لوتروح والله نندم ,,,,,,وبسبب عدم تقديرنا لهم قرروا السبايك اخذ موقف والقيام بثورة السبايك(المصاليخ في معجم ابن خنفسه ) !!!!



بعد البربره الواجده بالمقدمه نبدأ الموضوع......

كنت جالس بالبيت لحالي ولحالي هفني الشوق وذكرتك <<<< نطل برا الموضوع
وقاعد اقلب بهالقنوات الماصخه واطبخ دجاج حاشي مكشن بصامولي بارد واعصر تمر حويل مع لبن نياق <<<< والله لوتذوقونه ان تفقدون من اول كاس.... وفجئه جاني اتصال!!!! وارد اثاريه العره جاري <<< مسمينه عيال الحاره عره من كثر ماهو ظهره منعفط .. ( عره = شايب في معجم ولد الهبله )

انا :- هلا بالعره

العره :- اقول خل عنك بس السلام وقلي في احد يقولك يا سبيكه ؟؟؟؟؟

انا :- هههههههه والله ما في احد غيرك يقولي هلكلمه

العره :- اجل تعال لي البيت ابيك ضروري ....تووت تووت <<< صك الخط.

والله وانطلق له ودي ادري وش السالفه ...يوم دخلت والقى عدد من اخوانا السبايك

منهم :- هيثم بو نخرور , شتام الضرس حبيب الكل , فهد ابو راس , نزار الدرج , رائد الأحول , مرزوق الاعرج , مشعل الكور , سلطان فاصل النور (ياالله يشوف ولابس نظاره ),سالم عيون البوم (برضه مايشوف ولابس نظاره ) , مطير النكبه ,منسم الدب الدلخ.....الخ <<< هذولا بقايا حرب انواع العاهات.... وغيره هذولا من العاهات والسبايك .. يوم شفتهم حسيت اني في جنة الارض والله ان من يجلس معاهم يحس بسعاده غامره ..المهم رحت للعره وأول ما قابلني قال تعال واسمع خطبتي !!!!

انا :- خطبه وش خطبته يا فاقد ؟؟؟

العره :- اخواني السبايك ان هذا اليوم ليوم عظيم في تاريخ السبايك وسوف يكون نقطة تحول من عالم السبايك الى عالم الذيابه ... سوف نثبت للعالم انهم هم الدلوخ وهم الاغبي وحنا اهل الذكاء والدهاء والفطنه..

انا :- أيــــه هين ....

العره :- نبي ندخل العالم بمتاهات ونقعد نتفرج عليهم ونضحك.... واني ومن تحت قبسة هذا البرلمان اعلن عن قيام منظمة الذيابه العالميه (ولف انطر نشونال ) <<< انقلش

الحظور :- الله حي التاني حي الله حي والعره احلا شي ...الله ياعره ... سر يا عره ونحن امامك...الخ

انا :- اقول يا عره من جدك انت ؟؟؟

العره :- اخواني اعظاء مجلس الاداره ارجوا التوجه الى غرفة الاجتماع ... وانت يا مصقوع ترانا عيناك نائب مجلس الاداره !!!!!

انا :- والله وناسه ليش لأ (خل نشوف وش آخرة ذالسبايك )

عاد اجتمعنا وقرر المجلس...
1- سرقت بنك الرياض
2- سرقت مزرعة الصافي للالبان
3- مداهة مستشفى شهار للعلاج النفسي وانقاذ المرضا من الدكاتره <<< طبعا يحسون انهم اخويا
4- سرقت منزل الحاج حسين على اكبر خان.

وراح يبدأ العمل بكره بجميع المهمات وبعد بكره نشوف النتايج ... ويوزع شراب نسائي واحد فقط لكل ذئب من ذئاب المهمات لإخفاء وجهه...

والله وعدا الليل على مهله وقلبي يا عيني من جهله <<<< نطله ثانيه .. معليش طربان... المهم جا يوم النتايج واجتمعت انا والعره.....

العره :- بشر وش صار على ذيابتنا ؟؟؟؟؟

انا :- أيـــــه علوم سفره !!!! ...

[blink] المهمه الاولى : سرقة بنك الرياض ...[/blink]
راح للمهم حسب طلبك يا العره ... رائد الاحول وسلطان فاصل النور وسالم عيون البوم ... يوم وصلوا عند البنك فصخ سلطان وسالم النظارات عشان يلبسون الشراب ... ولبسوا الشراب وصار الشوف شجر يعني معدوم .... واتفقوا يعدون الى ثلاثه ويدخلون سوا..... 1,2,3

جاك رائد الاحول منطلق خش بالجدار الي جنب الباب يحسبه الباب و سالم عيون البوم انطلق ودخل مع الباب وطلع من باب الجهه الثانيه ومسك واحد بالشارع يحسبه السكيورتي طلع واحد من الشرطه وسلطان فاصل النور دخل الذيب وشال برادة المويه على باله هي الخزنه ويوم طلع لقا الشرطه تحتريه وطبعا جت الشرطه للباب الي دخلوا من عنده الذيابه ولقوا رائد دايخ من كثر ما صفق بلجدران يحاول يدخل مع الباب ومسكوه....

[blink]المهمه الثانيه...
سرقت مزارع الصافي...[/blink]

راح للمهمه مشعل الكور ومنسم الدب الدلخ طبعا حسب طلبك يا العره وصلوا للموقع بالليل ولبسوا الشراب طلع مشعل الكور ماخذ شراب فهد ابوراس وانواع الريحه والخياس ... قاوم مشعل الريحه ودخلوا لقوا الشرطه منتشرين في المكان قال منسم خل نروح جهت البقر ونمشي على ايدينا ورجلينا كننا بقر وشوي شوي همن ندخل لمكتب الاداره قال مشعل يله وراحوا وهم يمشون على ايدانهم وركبه وصلوا جهت الثيران والله ويجيك ذاك الثور الي ماكل برسيم معتق ومنتهيه صلاحيته ويشوف مقفى منسم (طبعا مقفى منسم شي راهي في القصه فقط) والله ويجيك الثور ويفهم غلط ويجي الثور طاير عند منسم ويتميلح الثور على منسم على باله انه بقره ومنسم ساكت وخايف ..المهم شاف الثور ان منسم ساكت والسكوت علامة الرضا والله ويحجر منسم في الزاويه ومنسم يحول يفرفر يحاول يفك عمره ومع الوضع الصعب هذا صرخ منسم!!! وتولعت الانوار وتوجهوا الشرطه لمكان الصوت وينكب مشعل الكور..... بس يعجبك الذيب فصخ ملابسه ذالعبد وطلع كنه دعايت أوموا (احنا مغسولين منعنشين ومفرفشين ) بس الشراب الي باين ولا الباقي مختفي مع ظلام الليل وينطلق وتسحيب بالشرطه بس الاخ بدا يدوخ من ريحت شراب فهد ابو راس والله ويغمى عليه ويلقطونه الشرطه ويمسكون منسم بعد ما خلص منه الثور...


[blink]المهمه الثالثه...

مداهمة شهار...[/blink]

راح للمهمه هيثم بو نخرور و شتام الضرس و فهد ابو راس حسب طلبك يا العره ...
طبعا المستشفى فالطايف وحنا بالرياض ... الذيابه لبسو الشراب اول ما ركبوا السياره وشوي وتسمع صوت شششخخخخخخخخخخ ... اثاري الشراب تشققت ,,, هيثم انشق من عند خشمه ذالكبير و فهد كل الشراب من اوله لاخره من كبر راسه طلع كنه حاط طوق كلابه على رقبته وشتام من عند ضروسه الفوقانيه كالعاد اكشتت الضروس ... وانطلقوا وعند اول تفتيش امسكوهم وقالوا ذولا اكيد مهبل وحولوهم لمستشفى اشهار مع المراقبه الشديده....

[blink]المهمه الرابعه...

سرقة منزل الحاج حسين علي رضا اكبر خان..[/blink]

راح للمهمه نزار الدرج و مرزوق الاعرج حسب طلبك يا عره... راحوا للموقع ولقوا الشرطه محوطه البيت قالو خل نسرق البيت الي وراه جوا يلبسون الشراب طلع الشراب واحد حق رجلين ( هيلا هوب , كيلون ) قالوا يله ولبسوا الشراب طلعوا كنهم توأم سيامي متلاصقين بالراس وجوا يطمرون على البيت الثاني تعكرف مرزوق الاعرج وطاح من فوق السور وطبعا سحب معه نزار الدرج <<< حكم الشراب ... ويسمع الصوت اهل البيت ويطلعون ...من طلع اهل البيت ؟؟؟؟
طلعو الباكستانيه الي يخدمون الحاج حسين والله ويمسكون مرزوق ونزار فرش الين عضوا الارض وسلموهم لشرطه...

العره :- الله الله !!!! أيــــــــــه ماتوا الذيابه وين ايامي ؟؟؟؟

انا :- ايه طيب

العره :- لحظه وش جاب الشرطه في كل الاماكن الي ارسلنا لها الشباب ؟؟؟؟ وش دراهم ؟؟؟؟

انا :- هذا الله يسلمك سكرتيرك مطير النكبه قبل المهمه بيوم كلم الشرطه وبلغهم يقاله يمزح مع الشباب !!!!!

العره :- اجل لازم أأدبه وانقله نقل تأديبي ..... ينقل مطير النكبه من سكرتير رئيس مجلس الاداره الى أمـــــــــيــــــن ســـــــــــر المنظمه.

هذي كانت اخر مهمات المنظمه وادعوا من ربكم انه يحفظ لنا هالسبايك عشان نبقى نعيش بنعيم وفله بهالدنيا........

اذا رغبت بان تكون سبيكه فماعليك الا انك تكون صلخا وترد على هالموضوع برد زي الناس

اللي بيقول شكرا ويحط له واحد سنونه اكبر من خشته فيخليها له يمكن يحتاجها في موضوع ثاني --> لاتوهق نفسك وتخلص ضحكتك ---> ضحكه بالفحم

عزيزي المتسصلخ اتمنى ان تكون قد استمعت بهذه المصاله (البياخه في معجم زليخه ام كشه)

اما الان بامكانك الانطعاج على ظهرك

ويالله غير القناه هع

( همسه في اذنك عزيزي المستصلخ )
اتمنى الاقتباس في الرد والتعليق على مااعجبك لكي نشارك بالاستصلاخ سويا وربما تكون مشروع مستقبل سبيكه جديد ونخلي مدرب المنتخب يضمك لؤؤؤؤؤؤل


يالله لي معكم عوده برب