طواري ليل ..

[شَ ـآعُ ـٌر ٍ مُـً ِش‘ـًآعٌ َـْر ِ]

السلام عليكم

هذي محاوله اخرى

وياليت تعجبكم

.............

قالها العدواني طواري ليل واتعدي
وانا فيني طواري ليل وافكار وهموم
ساعة تجيني كن مافي شي ابيدي
تغلبني وتعاندني ياعساها ماتدوم
طواري ليل تسهرني وانا ماودي
اتعب جفني مير الهم لي مقسوم
قعدت اهوجس بفكري وافرك ابيدي
واقوم واجلس ثم اجلس واقوم
غلطة ومابي اليوم ينباح سدي
واروح غلطة ثمنها فراق مشؤوم
يامجربين الهوى كل شي ضدي
كيف ابهرب من شمس والسما مابها غيوم
ارشدوني للصواب تراي وصلت حدي
ماقمت اميز الحلم او شي معلوم
حبل الكذب بينقطع وش بيكون ردي
كذبه جديده او اعترف واقبل اللوم
خايف تبتعد ياعرب وتشوف بعدي
شخص تثق فيه واصير محروم
ويقبل سيل الاحزان متوجه عندي
واصارع اوراق الالم واحارب النوم
واصير رفيق لليأس والفرح ندي
لا اقبلت اصافح زادني سهم مسموم
عجزت اقاوم تيارها وحلف مايهدي
اجرفني سيل الاحزان ونساني العوم
كل الخطايا تجيني ماهي ابقدي
احسها تقرب نهاياتي وانا مظلوم
يالله ياعظيم الشان ياعالم قصدي
استر على عبدك من سود العلوم
.....................

وسلامتكم ..


تحياتي . موت المشاعر