قصيده لشاعر بدر الصبيح الخالدي

[الفجري الخالدي]

استفيقـي يـا رياحيـن القصيـد و نـوره
و قومينـي حـب ولا كـره يـا القيفانـي
و اصدحي يا الحنجرة بالصوت قبل الصورة
و انتثر يا حرفي المحبوك و أنـت عنانـي
لعنبو شعر(ن) ما يروي ذايقـت جمهـورة
دام بدع القاف سرجي والهجوس حصانـي
يا قصيـدي دام لـك عشـاق فالمعمـورة
فابتهج واطلع علـى غيـرك ولا تنهانـي
واصطفق مثـل البحـور بدورتيـن و دورة
و جار وقتي واسر من فكري ولا تعصانـي
و كل حرف(ن) في قصيدي لا دحم في زورة
كنّه بعيـر(ن) لابـن فـزاع مشعوفانـي
و كل شطر(ن) لا بدعته كنّـه المقطـورة
كل شطر(ن) يسحب الثانـي بتلـو الثانـي
لين تكمـل ثـم تصبـح كنّهـا المغـرورة
بنت شيخ(ن) غايتة(ن) في ناظر الشيخاني
يا قصيدي عازتك فـي الليلـة الممطـورة
تمطر حروف القصيـد و تبتهـج لامزانـي
و كان ما جملتنـي وانكسـرة المخبـورة
فلا يعز ابـك المقـام ولا بصـح لسانـي
يا سلام الله سلام(ن) لا وصفـت شعـورة
يرتجف منه الخفـوق و يلتطـم شريانـي
مايحـق ابـه البعيـد ولا قبلنـا شــوره
ما يحـق و لا يسـاق ألا علـى عمانـي
للخوالـد لاعتلـى المجـد وتحـلّـى دوره
تاج راسـي و فالشدايـد خيـرة الديجانـي
يا بني عمـي زمـام الصعبـة المنفـورة
يـا مزبنـت الدخيـل و عـز للصدقانـي
كان خطوة من بغى الخطوة مهي مقصـورة
فابشرو باللـي يجمّلكـم علـى الميدانـي
و كان لا شفتو سحاب الغير طش(ن) عورة
فابشرو في سحب(ن) يسيّل بهـا وديانـي
خالدي و الخالدي نفسـه مهـي مقهـورة
يفلج صفوف الرجـال و يلطـم العدوانـي
و نحمد الله عزنا الله و الرحـى مفـرورة
وعز ربي قيمة المسلـم علـى النصرانـي
في ذرا مـن يلهبـون الشـر بالباكـوره
تحت ظل آل السعـود مطوّعيـن الجانـي
كل بكـرة تحمـل شـداد الفتـن منحـورة
باسم أبو متعب يمـوت الشـر بالمهدانـي
لاعتزا حنا هل العوجا و انـا أخـو نـورة
تخظع لسيفه رؤوس و تلبـس الأرسانـي
يا بني عمي يا روسٍ دايـم(ن) مشكـورة
جمـل الله حالكـم و أحوالكـم تعنـانـي
جعل حرفٍ منكتـب فيكـم تهـز شطـورة
يا قناد الراس لا شمّـرت عـن ذرعانـي