أبو طلال جاكم ومعاه مشكلة

[أبو طلال]

السلام عليكم

بعد غياب قسري رجعت لكم بمشكلة

كنت في جدة لحضور دورة تدريبية لمدة شهر

وقبل أمس الخميس كنت معزوم لحضور حفل زفاف أحد الزملاء

في حفل الزواج في جدة عندهم عادات ماحبيتها

أولا الحفلة تتأخر إلى صلاة الفجر للرجال وللحريم إلى الساعة 8 أو 9 صباحا

ثانيا الشباب عندهم عادة خطف العريس في ليلة العرس
إما يأخروه لوقت كبير عن الضيوف أو أنهم ينزلوه بعيد جدا عن قصر أفراح خارج النطاق العمراني يعني

وزميلي هذا محتاط ، ما يخرج خارج القصر عشان ما أحد من أصدقاه يخطفه

القضية أن الشباب عرفوا أن زميلي هذا يثق فيني
فطلبوا مني أن أناديه عشان أقول له شي
وأنا ما أدري عن مخططهم
ناديته وجاء مع اثنثن من عيال عمه ، حميّه يعني
ما أدري إلا وعشرة من اولاد حارته وأصدقاه دفعوني مع عيال عمه
وخذوا العريس وركبوه السيارة وهو يسب ويلعن فيهم وفيني
بعد نص ساعة رجعوا الشباب بدون العريس
بعد أربع ساعات العريس جاي بليموزين ورابط البشت على بطنه
وجاني يتهمني
أنا أحاول إني أفهمه لكنه مو راضي يفهم
أنادي الشباب يشرحون له وهم صافطيني وقاعدين يضحكون على العريس
لأنهم نزلوه في منطقه خالية من الناس ومن السيارات
وابو الشباب دقها كعابي لين وقف له ليموزين
وهو يعتقد اني مشترك معاهم في الموضوع هذا
وأنا أحلف له أنه لاناقة لي ولاجمل
وهو يقول العب غيرها
لين حلفت له وجاوا خبروه وحلفوا له
في صباح الجمعة كانت رحلتي للرياض
عصر الجمعة اتصل عليه مايرد
شكله إلى الحين زعلان مني وأنا بريء ياجماااااااااااااااااعة