خلّوٍه يٍجٍرحٍنٍي ويـًرًتآحً .. خًـلّوًهً .. } ..! "

[المـشتاق]

خلّوٍهيٍجٍرحٍنٍي ويـًرًتآحً ..خًـلّوًهً .. } ..! "




خلّوه .. يجرحني و يرتاح .. خلّوه
يبوح .. باشياء .. قديمة .. كتمها

لا ماعلى .. طعنات يدّيه .. مشروه
أستاهل الطّعنه .. واجي .. و اغتنمها

قولوا له انّي قلت ياناس .. عانوه
ذا .. قلبه الغالي.. وروحي حكمها

هو من كسبني يوم غيره تحدّوه
لو كنت ( ديرة ) كان قلبه.. ( علمها )

ماغرّني غيره ولا الغير .. غرّوه
لكن مباني الحب .. حظّي هدمها

في حفرة الضّيقه .. اذا طاح.. شلّوه
هو من حياتي .. بالسّعادة رسمها

طلته ولا غيري من النّاس .. طالوه
له هيبة .. عنّ جد.. انا أحترمها

بقول ياقلب نفع ناس .. باعوه
زمن نفع ناس .. و ناس .. ظلمها

برحل عن دياره .. وفالقلب .. انسوه
متدفّي بنار ..فراقه فحمها

مجبور أجافي .. بسّ وصّوه .. وصّوه
يذكر ليالي .. حبّنا .. ويحشمها

ماجاه منّي.. أي غلطة .. ومكروه
راح بشموخه.. والمحبّة ..حسمها

خلّوه ينساني .. ويرتاح .. خلّوه
مادامها .. فرقا .. وربّي.. قسمها

ـأبيـآت لـآمست ـإحِسـآسِي