(( سجل حضورك في بيت شعري ))

[خربشات مبدع]

ناديت بـ أعلى الشوق
لكن الصدى صوته حزين ,
بالله شوفي كم خسر صوتي وكم صمتك جنا !

كنك تقولين ..
بـ تطلعك القمر والفرقدين :-
راحت مراويح السحاب ,
وراحت : ( أيام الهنا ) !

( الحب ) :
لو طال الجفا والصد , إذا ما تعرفين ؟
غصن ٍ تلاعبه الهبايب كل ما طال / انحنا ,

ياحايره :
غدر البحر ,
عرفت سرّه هالحين !
من أزرقه ..
يوم أزرق دموعك مثل زَرق القنا ,

غدرني وحطّم قواي ,
ولان عزم ٍ ما يلين !
ووقفت مثل اللي قبل لا ياصل الحلم , انثنى

أنتي وقفتي
في يمينك حب ويسارك ونين ,
فيك التعب واضح ومن ثروة ملامحك اغتنا !

وأنا ..
تحرّيتك مثل من يحترون الغايبين ,
يا مجملّه لون العذاب بـ عين من صبره فنا ,

لـ خاطر ايامي معك .,
متى تجين وترجعين !
مافيه درب ٍ من دروبي ما تقرّبك ودنا !

العمر :
شوفي كم عطيت ولا خذيت من السنين ,
العشق :
شوفي كم خذيت ولا عطيت : من العنا ,

الصدق :
ما جيت اكتسب به لا حنان ولا حنين ,
الشعر :
ما رحت افتخر به .. وآنتظر منه الثنا !

تخيّري
فـ آيّات درب من الدروب وتوصلين ,

العمر
( أنا ) ,


والعشق
( أنا ) ,


والصدق
( أنا ) ,


والشعر
( أنا ) ,