ان جاد حظك باع لك واشترالك

[abusalman]

يالله ياللي كل حي يسألك=ياواحدٍ كلٍ يخافك ويرجيك
اتفك عقد احبال عبدٍ شكالك=مستبرمٍ حبله بعقد وشرابيك
ولاتلوم النفس فيما جرىلك=اصبر ترى ماقدّر الله بيأتيك
ان جاد حظك باع لك واشترالك=فوايده من كل الابواب تأتيك
وان بار حظك هزّل اقوى حلالك=برداء ثمن لازم يبيعك ويشريك
وان جاد حظك بالمجالس حكالك=وصدّق مقالك كل شخصٍ يحاكيك
وان بار حظك لايكذب مقالك= واتصير كذبات الملا كلهن فيك
وان جاد حظك بالمنازل بنالك=بيتٍ رفيعٍ شامخ الطول يذريك
وان بار حظك صرت تنقل اعيالك=من دار الى دارٍ ودارٍ تخليك
وان جاد حظك كل شئٍ صفالك=وقرايب الخلان كلٍ يصافيك
وان بار حظك بان جمع العداءلك=وصار المحب اعدا عدوٍ يعاديك
وان جاد حظك كل شئٍ عنالك=ويباشرك عند الموده ويعطيك
وان بار حظك ظل محدٍ بحالك=ولا بفنجالٍ من البن يسقيك
وان جاد حظك قام واطلق عقالك=ومشى معك في كل دربٍ يباريك
وان بار حظك صرت بأرض المهالك=وعن كل دربٍ يقلعك ثم يثنيك
وان جاد حظك كل شئٍ زهالك=حلياه بأرواح المجالس تزهيك
وان بار حظك شيّن احلى خيالك=لامن قبلت اغضت عيونٍ تراعيك
وان جاد حظك كل شئٍ أضالك=يشبه فم القنديل نوره يقديك
وان بار حظك عز حالي لحالك= ارذل رذيلٍ هافي الجد يوذيك
يالعبد لو كثّرت حث ارتحالك=وعرضتها درب الخطر والتهاليك
انته بلا حظٍ بعيدٍ محالك=وقلوص عزمك بالمضامي تخليك
يالعبد وان حظك سعيدٍ نمالك؟=من عشرة اولادٍ وواحد يكفيك
واصبر عسى تعطى خلف من غدالك=رجلٍ الى سامتك الايام يشريك

الشريف محمد بن عون