انا الغلطان لما سويت أخلاق

[أبو طلال]

كنت زي اي واحد مؤدب يسوق سيارته ورابط الزفت حزام الزفت
رايح للمطعم لأن تماسيح بطني قعدت من النوم
عند الإشارة الحمراء كان لزاما علي إني أوقف
وطبعا قبل خطوط المشاة <<< مع ان المشاة من كل جهه يقطعون الشارع الا على هالخطوط
وانا أستنى الضوء الأخضر سمعت صوت الإسعاف وراي
بالمراية عرفت انها جاية وراي على طول
وسواقها مو مكفيه الونانات والعويل والانوار والهرنات
اللي طالع منها قام يلعب بأنوار السيارة يعني ابعد عن طريقي
وانا بكل أريحية وحسب ماتعلمته في المدارس
ان الاسعاف تسرع عشان تنقذ حياة انسان
تقدمت واخذت يمين واعطيت مجال عشان سيارة الاسعاف تعدي
وهي تمر من جنبي حسيت اني سويت شي هذا اليوم ساهمت في انقاذ واحد من الناس
يااااااااااااااابختي من الحسنات والدعاوي الطيبة اللي بتجيني
وانا في غمرة هذه السعادة سمعت واحد يدق النافذة حسبته واحد من الشحاتين
التفت وانا انزل القزاز إلا وشخص يقول لي الرخصة والاستمارة
طلع رجل المرور اللي كان واقف عند الاشارة بدبابه
سئلته ايش فيه قال ليه موقف على خطوط المشاة
ضحكت وقلت قدامك وشايفني وتسئل
قال صفط على جنب
صفطت وانا في غاية الذهوووووووووووووووووول
انت ماتدري انت مخالف انظمة السير في المملكة
الله اكبر
ياحبيبي انا موسع للإسعاف عشان تمر
ادري << << قالها وهو يهم في كتابة المخالفة
طيب دامك تدري ليه المخالفة
رد علي وقال انت منت ملزوم تبعد وهو ماهو ملزوم يقطع الاشارة
طيب ليه ماوقفته دامه قاطع اشارة
قال اخذت رقم السيارة
ياحبيبي انا ماسويت كذا الا عشانها اسعاف
مش شغلي <<< هو قال مش شغلي إلا وأنا أنفرط كلام
كلمة منه وخمسين مني ماوعيت إلا وأنا في الجيب ولحقني عقالي وشماغي
كيف ما ادري <<<< ولا احد يعلق على الجزئية هذه
عند الضابط اللي استنيناه لين شرف مدري وين كان وهو المناوب
سئلني وش السالفه قلت له قال طيب اخذت المخالفة
قلت ايوا قال خلاص الله يستر عليك تقدر تروح
وليه المخالفة اذا انت بتعتقني بسلام
لانك مخالف مخالفة صريحة <<<<< هو قال كذا وانا عالشارع
واصرخ تاااااااااااااااااااااااااااكسي ياتااااااااااااااااااااااااااااااكسي
برجع لسيارتي المركونه غلط عشان مايسحبونها رجال المرور