أي فلم هندي اللي شفته أعظم

[أبو طلال]

طالع من الدوام مع واحد صاحب لي
بنزل البيت وهو يكمل طريقه لبيتهم
أتصل علي بعد مانزلني بنص ساعة عشانه مسوي حادث
شغلت موتري ورحت لمكان الحادث
وصلت هناك مع بداية الهواش بين صاحبي واللي صادمه
يادوب وقفت السيارة وبنزل إلا قام البقس
طاخ طيخ دب دردب شلااااااااخ طاااااااااااااااااااااخ
ركضت أبي أفك بينهم
تعوذوا من إبليس شفيكم الله يهداكم
صار اللي صار ليش الهواش كأنكم مراهقين
كل واحد يسب في الثاني سب الله لايسمعكم إياه
جات الدورية قشتنا كلنا
بعد ماشاف العسكري الدم والوضع متأزم
عند الضابط ياخوان صار شي عجب العجاب
لو يجي اميتاب بتشان وأمجد خان وسيري ديفي وسليمان خان
ماسووا مثل اللي صار في قسم الشرطة في أفلامهم
أول مادخلنا الضابط فز من على كرسيه
وهو ينادي على اللي صادمه خويي
إبراهيم أخوي شفيك وش صار لك ؟
قلت في نفسي أفااااااااا طلع الضابط أخوه الله يعين صاحبي أجل ، سين جيم وإستفسارات من الضابط لأخوه وعرف أنه صادم واللي صادمه تهاوش وياه
إلا ويلتفت علينا الضابط وياخذ إثباتاتنا من العسكري اللي جابنا
ويقرأ إسمي اللي في البطاقة وبعدها قرأ إسم صاحبي
شوي قال الضابط من غير شعور سبحان الله بصوت عالي
سأله صاحبي عن السبب
قال الضابط أبد مستغرب من تشابه الأسماء
أي أسماء لايكون عندكم مطلوب يشبه إسمي ؟
قال الضابط لا إسمك تماما نفس إسمي بالبطاقة غير أن أسمك محمد وأنا خالد والباقي تشابه تااااااااااااااام

تسائل في الثاني إستفسار ورى الآخر
أوصف لي أبوك وش عنده من سيارة وين يشتغل
تبين أنهم الثلاثة إخوان والأب واحد
الصادم والمصدوم والضابط
أبوهم متزوج بثانية ومايدرون عن بعض والله إللي جمعهم في حادث
وابوهم مات ولا قال عن هالأمر موتته كانت فجأة بحادث