وضحى ، سالم ، طلال ، الجازي

[aloyun]

كنت اتمشى في العيون ووصلت للألعاب اللي في الحصيمه
وكان فيه مجموعه اطفال يلعبون فيها

اربعه اطفال ياماشاء الله عليهم

قربت من سالم اللي قابلني بنظره ترقب وتفحص





شوفوه يراقب
وبديت له بالسلام ورد علي السلام






وسولفت معاه وعرف اني جاي اصوره واخوانه








وكمل مشواره كأخ كبير مع أخوه طلال
يراقبه ويهتم فيه ويساعده
وهذااااااااااك هو طلال ماشاء الله عليه





عنيد بس امووووووووور

انا جاي العب بس العب بمزاجي انا
اسوي الاشياء بكيفي مو بكيف احد

هذا هو طلال







تعال اصورك وانت تتزحلق
تحايلت عليه لين جلس في القمه
يالله ياشاطر
يالله يابابا


ندري انك تعرف تتزحلق
بس نبي نصورك وانت تتزحلق ياطلال

ولااااااااااااااااشي





جاء سالم الذيب
يشجع اخوه
وافضل تشجيع هو الاقتداء

فتزحلق سالم قدام اخوه





نجحت الخطه

لكن طلال مو هين ترى
تزحلق مثل مانبي
لكن بالطريقه اللي هو يبيها

تزحلق شوي
ووقف
يالله صور يامصور
نظرات عيونه تقول
ماتقدرون علي اللي ابيه بيصير






وهناااااااك تلعب وضحى
الكبيره في الترتيب وفي المعامله






تلعب لحالها
عشان توسع لخوانها
لكن تراقبهم من بعيد وتدخل في الحدث اذا لزم الامر







سالم
بين طلال والجازي
طلال يبي يلعب مع سالم
والجازي تبي يشاركها سالم في اللعب






قال لها سالم
انا بلعب مع طلال وانتي روحي لبابا يلعب معاك
راحت وهي شوي زعلانه من سالم وطلال
اللي كانا يضحكان على حركاتها المضحكه





الجازي مع البابا
يلاعبها ويضاحكها
لكنها تبي تلعب لعبه ثانيه
عيونها على اللعبه

اختها الكبيره فهمتها
عرفت وش تبي اختها الصغيره
جاتها وشجعتها انها تلعب اللعبه هذه






ونفس حركه سالم مع طلال
بتسويها وضحى مع الجازي





بس الجازي تبي تتزحلق
وبدأت وضحى بالتزحلق عشان تشجع الجازي





وتزحلقت الجازي
وهذا هي تتزحلق بسعاده
بس لاحظا كيف وضحى اخرت نفسها
عشان تلاحظ اختها وتراقبها






الجازي صارت تتزحلق بروحها
وهالشي خلى طلال يقرر انه يروينا انه قادر على هالشي
لاحظوا كيف يصعد بكل ثقه







الجازي سعيده ومبسوطه





قررت اروح انا
وسلمت عليهم كلهم

وضحى شكرتني بالنيابه عن اخوانها كلهم
سالم زعلان اني بروح
طلال زعلان بعد بس مايبي يبين
الجازي ببراءه تقول لي تعال العب معانا بكره