ملتقاي الجميل

[عطر الاماكن]

بسم الله الرحمن الرحيم
السلام عليكم ورحمة الله وبركاته

الصراحة ياجماعة قلت مالي الا هالملتقى اقول لكم عن قصة وابي اخذ رايكم فيها مالمقصود من الرسالة وهل نيته سوداء ام
ام ماذا يقصد برسالته تلك ما اطول عليكم
لي صديق وجار احتجت اليه في سنة من السنوات لمبلغ بسيط قال لي ابشر بشوف لك المهم الرجال ماقصر جاب المبلغ ومر
وانا بدوري ما احب يصير في ذمتي شيء سددت المبلغ باسرع وقت
هذا جميل لاانساه له جزاه الله خير
مرت الايام وسافر الى واتصل على قال لي ود سيارتي الوكالة عشان الصيانة قلت له اوكيه اعطاني اخوة السيارة وديتها
وديتها الصيانة وخليت اخوي يجيبني من هناك
طيب الرجال بيجي من مكة الى مطار الدمام اتصل هلي وقال لي تعال لي في المطار جيبني قلت له طيب خير ان شاء الله
رحت المطار وللمعلومية الساعة الثامنة صباحا المهم رحت وعلى فكرة اول مرة اروح المطار وخبصت الدنيا في المطار
راسي داير مااعرف وين المدخل من المخرج من ملبق السيارة
المهم جبته الى بيته
ذكرت الموقفين هذول عشان احطكم في الصورة
ابداء الحين بالموقف اللي صار
الرجال اتصل علي وقال لي محتاج الى مبلغ بسيط طبعن قلت له سم ولاشفت شيء حتى نهاية تحريري لهذا الموقف
المهم ماعطاني المبلغ قلت انا مايخالف انا يهمني الرجال ماتهمني الفلوس
بعد مرور خمسة الى ستة اشهر الرجال اتصل على وطلب مني مبلغ وقال سارده لك على دفعات قلت له انا طلعت من
طلعت من وظيفة كنت ادخر منها مكافأه طبعن غير عملي الرسمي المهم قلت له طلعت من وظيفتي ولا اقدر اوفر الحين
ووالله العظيم اني صادق المهم قال طيب طيب
مر شهر تقريبا وطلب مني مرة ثانية وكان يلح على ادبر له المبلغ قلت له طيب طيب بشوف لك يعني ماعندي
الصراحة انا ماحصلت له واستحي اقول له مالقيت فصرت اتهرب ولا ارد على مكالماته واصرفه عن طريق اخواني
وماابي انحرج معه مع اني قايل له ياخي والله ماعندي من قبل وللمعلوميه قبل لايجيني بيوم شاري له حاجه قيمتها
2000ريال ايش رايكم
الزبده ما عرفت ارد عليه فرسلت له رسالة يابو فلان استحيت اقول لك اني ماحصلت المبلغ
ماذا رد علي قال يكفي اني على بالك اما بالنسبة للمبلغ الحمد لله تيسرت وشكرا ع
وشكرا على المشاعر الطيبة
مع انه ميانة معه لاخر درجه
ابي رايكم في رسالته هل هو شايل في نفسه اني مارديت على مكالماته
هل هو يكابرفي رده على بهذه الرسالة

محتاج الى رايكم بارك الله فيكم