لماذا لايعترف الشاب العيوني بالرومنسيه؟هل تنقص من رجولته امآ مآذا؟

[فخر%سبيع]

السلام عليكم ورحمة الله وبركآته

هذا أول موضوع لي ويآليت ألقى تفآعل

موضوعي عن شبآب العيون ورومنسيتهم أو أقول شخصيتهم مع زوجآتهم خوآتهم يعني الجنس النآعم

ليه دآيم يآشبآبنآ نشوف منكم جفآ لاتنكرون !!

يعني مايصير مشآعرنآ كآ أنآث معروف عنآ الرقه والنعومه والحالميه تسفهونهآ وتعآملونهآ بجفآ

لو وحده تبي تتغزل بزوجهآ فكينآ بس

ولاعمي تو متزوج يصارخ لزوجته هي انتي تغطي =بالله وش هالأسلوب ولا عروس بعد

مع ان واضح الأعجاب بعينه فيها

ليه مشاعركم الحنونه ماتظهرونها الا في بعض المواقف

اذا انتي ياخوي يازوجي مابدلتني المشاعر من يبادلني؟؟

ليه الصراخ دايم طبعكم واوف ردكم!!

خاطري مره تودونا مكان من نفسكم بدال ماحنا نزن على راسكم

حياتكم بر بحر ومافيه وقت لأهاليكم

معليش اغلبكم طابع العصبيه فيه يعنني شخصيه

ماتدرون ان البنات صارو يطلبون من الله يرزقهم بشاب غير مهوب من العيون

مثل انا كنت بالمشغل قالت ماخذه من وين عبالها عيوني قلت لا انا من برا

قالت ياحظك وش لك بالعيون يصارخ ومايبي غير يعبي بطنه الحياه معه تطفش

وترد الثانيه اي والله صدقتي

وخذ الكلام اللي يذم فيكم وصلتو الحريم لهالحال !!

تعجبني هيبتك ورزتك كرجال يالعيوني بس مايعجبني انك تزودها على حساب مشاعرنا !!

يعني بعضكم حتى لارد على زوجته قدام ربعه اوف هالغثه اتصلت؟؟

ورده خير متصله؟

وهو بالبيت شوي ويذوب عليها

يعني بتنقطع منك يد ولا رجل لو قلت هلا حبيبتي؟

رديت بأسلوب لبق

بينقص من رجولتك ماقلنا تغزل فينا قدام الله وخلقه بس احسن من سلوكك

انا زوجي جينا لدوار وماسك يدي

عرفوني بنات من العايله شفتهم قالو وربي محظوظه لو ازواجنا قالو لنا تبون تفشلونا نمسك يدكم برا

ليه مهوب زوجتك؟حلالك؟مسوي شي غلط انت

المره لامسكت يد زوجها تجبره مايطالع غيرها وتملك قلبه

حتى بعض شبابنا صار يتمنى يتزوج من برا قال ابي وحده تدلعني تهتم فيني؟

انت عطيت بنات ديرتك فرصه ؟ عطيت خواتك فرصه لحنانك ومزحك وضحكك معهم؟؟

كيف ماتبونهم يتاثرون وانتم ماتقدرون مشآعرهم؟

وبالنهايه الموضوع لنقاش لااكثر واتمنى محدن يجرح

سلام