سوء تصريف مياه امطار العيون بالصور

[aloyun]

الحمد لله مطر وخير جانا امس وندعو الله ان يرزقنا ماينفعنا
اليوم الصباح خذت لفه عشان اشوف بعد اعاده سفلته معظم شوارع العيون هل تم تفادي ماكنا نعاني منه سنين طويله اللي هو تجمع المياه في مناطق مشهوره ومعروفه واهمها التجمع الكبير اللي يصير عند مستوصف الحصيمه وعند جامع عمر بن الخطاب وعند المدارس وخصوصا مدرسه البيهقي ومدرسه البنات ارامكو وعند سوق الديره وعند جمعيه العيون الخيريه وغيرها من الاماكن

لكني تفاجأت ان الوضع زي ماهو ماتغير
نفس التجمع للمياه حتى ولو كان المطر رشات بسيطه

مثلا عندنا اللي عند جامع عمر بن الخطاب
نقطه تقاطع الطريق اللي عند الجامع هي اخفض نقطه فأي تسريب ماء او مطر ينزل لهذه النقطه ويتجمع
من الغرب والشرق والشمال والجنوب




والتجمع يكون بشكل كبير ويغطي كل التقاطع هذا ويضر بكل من جاوره من منازل وساكنيها وجامع ومصلينه ومحلات وزباينها ومستوصف ومرتاديه والطريق وعابريه

ومعقوله بعد ماتم تحسين المجاري بالمنطقه هذه واعاده سفلته الشارع بعد اشهر من الحفريات وشبه اغلاق للطريق وتاريخ هذا التقاطع مع الامطار مايسوون خطه لتصريف الامطار ومعقوله الى الان مستمرين بعاداتهم القديمه اللي هي الوايتات واسلوب الشفط البدااااااااااااااائي وعدد الوايتات اللي تشفط كان تقريبا ثمانيه







































وعندنا تجمع المياه اللي عند مستوصف الحصيمه
يكون التجمع كبير جدا ويمنع الوصول للمستوصف ولاحظت ان الوايتات اثنين بس والسبب وجود فتحات للمجاري اللي تم رفع الغطاء عشان يروح الماي فيه
طيب ياجاعه الخير انتوا عارفيه انه بيجي مطر والحكومه نادت ومنعت الطلاب من الدراسه ليه ماجيتوا وغيرتوا اغطيه فتحات المجاري هذه بأغطيه تسمح ان الماي يروح فيها على اول ماينزل المطر ليه تخلون المطر يتجمع طول اليوم





واصلا ليه تكون فتحات المجاري ارفع من مستوى الشارع نفسه ينزل الماي لين ستوى الفتحه والباقي يالوايت يشفطه يالشمس تنشفه