انواع الشلل

[مرسول عيوني]

--------------------------------------------------------------------------------





انواع الشلل في المدرسه







((( نروح لشله البنات اللي وراء السواق )))

البنت (1) امي قالت حق خالي فيصل ودني السوق
البنت(2) مو قلتي خالج هذا مسافر لندن
البنت(1) لا اللي مسافر هو خالي محمد
...البنت معرفتنها على اسماء العائلة الكريمة



((( ومن جهة أخرى نجد شلة الدوافير )))

البنت(1) امتحان النحو صعب اليوم !!
البنت (2) اللي يسمعج يقول ماتاخذ علينا الاول اقول واللي يعافيج
اكرمينا بسكوتج
البنت (1) والله..صعب ماعرفت الاعراب انا شكيت هو (جار ومجرور) ولا (مجرور وجار) خخخخخخخ



((( ومن جهة أخرى نجد بنات النت... )))

البنت (1) امس دخلت الشات ومالقيتج شفيج؟
البنت (2) انا دخلت لكني غيرت اسمي المعتاد
البنت(1) ليش غيرتيه؟؟
البنت (2) مزاجيييييييييي !!
البنت(1) طيب وليش ماتردين على مواضيعج الشينة
البنت(2) واللة مااحد جبرج تردين على مواضيعي ولااحد عظج على يدج وقال راقبيها؟
الا مقهوره موت لانهم حطوني مشرفة وانا مسجلة بعدج خخخخخ



((( وفي مؤخرة الباص نجد الفن والطرب... )))

البنت(1) بنات سمعتو شريط خالد عبدالرحمن الجديد والله روعه
البنت(2) بس مب احسن من شريط راشد الماجد
البنت(1) اقول اسكتي بس انتي وراشد
البنت(3) هيه والله كله ولا المرطب اللي حاطه على براطمه
البنت(1) خخخخخخخخ تحمدي الله لا يبتليج باللي بلاه



((( ومجموعة ثانية تتكلم عن الطبخ )))
البنت (1) اليوم علي المطبخ وعييييييه
البنت (2) اللي يسمعج يقول كل يوم تكرفين بالمطبخ اللة يرحم حالي
انا كل يوم عندي المطبخ والغسيل وكل شيء..
البنت (1) لا الحمدللة انا مرة بالشهر
البنت(2) ياحظي..الا اقول تعرفين طريقة البسبوسة
البنت(1) ما ادري......... هيه عرفتها انتم تشترون العجين>>>>> على بالها سمبوسة خخخخخ



((( واما بنات الميك اب والموضة )))
البنت(1) شفتي اخت العروس روووووووعة وخصوصا فستانها يهبل مووت..
البنت (2) هيه وشفتي الظل اللي مسويته قمة الغباء ليش مسويته تحت عيونها..
البنت(3) يابنتي هذه الموضة توها نازلة الاربعاء..
البنت(1) اقول لاتعطونها ويه تراها ماتفهم شيء..
البنت(2) نعم..!! شو تقصدين؟؟..لايكون تتكلمين عني....حدج عاد
البنت (3) لا ياماما اكلم زوجة عمي خخخخخخخخ



((( شلة الدجه )))
البنت(1) عطيني الواجب اللي حق باجر
البنت(2) وليش ماتحلينه بروحج من غشنا فليس منا
البنت(1) مب انتي ناقلته من اللي جدامج
البنت(2) هاااه
البنت (1) ايه..اقول عطيني>>>> يعني اجباري
البنت(2) انا نقلته عشان احنا معزومين في البر
البنت(1) والله.!!! واحنا معزومين بالبحر خخخخخخ