( مشنــــــــــــــــــــــــــبر )

[جراده]

مشنبر

تصدقون يا خوان إن فيه عندنا في العيون ( شباب) تكوينها العقلي ضيعف في التركيز والفهم وما تدخل المعلومة بشكل سريع يالله يفهمك تجلس ساعه توصيه على شي انت تبي يسويه وانت تنتظر او على شغف ان شغلك بيخلص تجي تلقاه ماسوى شيء ولا موفاهم اللي تبيه 0
يسمونه « شنبر » والبعض يسميه مصرقع , منسم , مصفح , مهوي, مطنوخ , ويقولون عسى هذا ( رايح فيها) والشيبان يقولون عليه هذا فيه سوء تدبير وأصقعه 0
وتعالوا اللخبطة اللى قاعد يسويها في حياته , يوم يشتغل سواق ويوم يشتغل سكرتي في شركه ولا تحصله في سوق الغنم يبيع لأشخاص اجانب ولا قام يوصل آهل بيتهم بمقابل مبلغ مادي , وتعالوا شوفوا ربعه اووووووووووه اشكال والوان مره مع عدل ومره مع منسم مثله ومره تحصله قاعد مع هندي والله حاله؟
مزاجه متقلب مره راضي ومره يسب ويلعن ومره مكتم فيحب بقوه ويكره بعنف واذا قلت له نكته لمدة دقيقتين مثلأ وصل تفكيره الى الصين 0
انا شخصياً تعاملت معهم وجلست وقمت اعلق عليهم واختبرهم ولقيت الربع ما يتسمون بالذكاء اطلاقاً و تركيزهم العقلي ضعيف ولا يجيد الإصغاء ويكثر من الالتفات ويلعووووووووز بكثرة واعادة الاسئله مره مرتين اشوي شاف واحد في الشارع وصووووووت له باللقب ( بعيارته ) وانت تطير اعيونك 0
وتقول لنفسك عزة الله انتشبنا بالمنسم
رحت مع واحد الى احدى المكاتب الحكوميه اول مادخلنا اصطدم بالباب، وقام يلتفت وراه ,وهو يمشي اصطدم بشخص آخر، و نسى أحد أطراف شماغه يتدلى بمسافة أطول من الطرف الآخر والناس تطالعه ويعلق على الموظفين ويطنز على المراجعين وفشلني ورجعت مسرع وقطيته بيتهم 0
فيهم ميزه حلوه انهم لا يحقدون على أحد أو يعادون أحدًا فترة طويلة؛ لأنهم حريصون على أن يكونون مرتاحين البال0
الى اللقاء