لا طـاح كرتك..واعتذرتي..وشلتيه ,,’’... ...تـراك بـعيون الاوادم..كـبرتي!!

[مهـرٍة العيوٍن]

بســـــــــــم الله الرحمن الرحيم

/
,,’’,,
/
/




خـلاص كرتك طاح..ماعاد لي فيه
... ...عـقب انتصارك في حياتي خسرتي
رحـتي وانا ساكت ولا قلت لك ليه؟
... ...لانـي اعـرفك لا زعلتي و غرتي
جـار الـزمان وقـلبي الـهم طاويه
... ...الـموت لا جـار الزمن..ثم جرتي
لحظه اسمعيني هو بقى شيء ناسيه؟
... ...مـاطاح كرتك صدق..لو طاح كرتي
أقـسم بـربي ..كـل مافيك شاريه
... ...طـبعٍ مـلكتي..او طـبوع أستعرتي
مـدري وش اللي في ضلوعي دفنتيه
... ...شـيٍ يـسيّرني عـلى اللي أمرتي
يـا غاليه..يا اغلى من العين ..ياهيه
... ...قـولي مـتى لـحنيّن القلب زرتي؟
دربـك خوي دربي..و دربي يباريه
... ...وفـجأة كذا..كنك من الدرب طرتي!!
كـنتي مـعي واقـع ولا اقدر أخليه
... ...والفرق واضح..بين( كنتي) و( صرتي)
حـفّظتك أبـياتي..وشعري حفظتيه
... ...وسمعت لك شوقي و قلبي..ذكرتي؟؟
مـن اولـه..عمري الـى حـد تاليه
... ...مـاأقول انـك فـي عيوني صغرتي
شـريان كفي..نبض صدري..محانيه
... ...فـي كل شيء يخص دمي..حضرتي
بـس احـفظي هالعلم عني و قوليه
... ...لأي بـنت ان كان جيتي.و شرتي
لا طـاح كرتك..واعتذرتي..وشلتيه
... ...تـراك بـعيون الاوادم..كـبرتي!!


بقلم المبدع /عبدالله بن ذويبان


(دمتم برعايه الله