[الـمـهـاجـر]

انا ما اخطيت في حقك ولكن الكـلام عتـاب ..
اعاتب واحسب بهرجي لا مني حكيت حساب

واذا انت من العتب تزعل علينا وبتصك الباب ...
ولا ودى على الفرقا وقلبي داخلـي مرتـاب

واشوف ان الهوى فرقا مواليف وعناد احباب ...
وقلبي لو عشق يخلص ولو طالت عليه رقاب

عشقنا والهوى حسرة،مشينا وراء أمـل كـذاب ...
عرفت الحب من عمري صغير بالغرام وشاب

صحيح انى نويت ابعد ولكن الهـوى غـلاب ...
تحريتك شروق الشمس وشفتك للشروق غياب

بقى لي بالهوى نظرة وتغريبة ودمـع اهـداب ...
واناجي باقي حروفي وبألف للفـراق كتـاب

واذا مرتني الذكرى وجرحي بالحشا ما طـاب ...
وانا عيب علي اشكي من الدنيا بدون اسبـاب