[كلمة حق]

السموحه منك يا قلبي السموحه
................ كان محد ٍ حسّب جروحك جروحه

من كثر ما دمعك ينقّط بصدري
............... صرت احس ضلوعي غطتها الملوحه

يا كثر ما قلت لك حذراك تامن :
................. غير للّي سكّــنك ربّك بروحه

بس مثلك ما تفيد به النصايح
.................. لأنك اطهر من كلامي لو ابوحه

انت مشكلتك تحسب الكل بالكل
................. بس ما عمرك حسبت احد ٍ بروحه

وقتنا ما هوب ذاك الوقت الأول
....................يوم كلاً يرمي العيب ويشوحه

وقتنا يا قلبي وجيه ٍ تلوّن
.................. وتختلف الوانه من لوحه للوحه

وأنت والله ما مثل نبضك وربي
................ لأنه يشبه طيبك ويعكس وضوحه !!