[محتـار]

أفتح جهازي وأدور داخـل الـوارد
رسايل منـك بالأشـواق مرسولـه

أقرا بيوت الغلا والفكر بـك شـارد
وأهز راسي قهـر وأقـول معقولـه

الهجر يقتل غلا فـي دمـه البـارد
ويجرح مشاعر مع الأثنين موصوله

صحيح بأن الغلا شيطانـه المـارد
لامن غضب دمر العاشق ومن حوله

من ذاق طعم الغلا لابـد وأن يـارد
عد المجانين من عرضه إليا طولـه

في ساحة العشق لي جولات ومطارد
كم مهرة مكسبي في اخـر الجولـه

أموت يمكن خطـا لان الخطـا وارد
لكن نفسي ما ترضى تموت مذلوله

وياللي علي البال ماني للغلا سـارد
بكره تذوق القهر وتشوف محصوله