[شَ ـآعُ ـٌر ٍ مُـً ِش‘ـًآعٌ َـْر ِ]

الا يامرسل طعونك على قلبي تبي كسره
توقـّع مابقى فيني مكان لباقي طعونـك

تذكّر واحسب حساب الصداقة واحشم العشره
ترى مافيه خير اللي يلف الهرج من دونك

تجلا للوضوح ولا تجي مخفي ورى السِّـتره
تسولف من وراي وقدم عيني تضحك سنونك

وانا من عادتي اوفي حقوقك واكره الغدره
لو اني كارهـن قربك .. أحب اللي يحبونك

بغنّي وانسج حروفي واخليها على الفطره
عسى بعض الكلام ينبّــهك ويحرك شجونك

نصيحة : ..صاحبك لا تسفهـه واتحط من قدره
ترى لولاه ماتقــدر تشيل الحمــل بمتونـك

جذور القاع وان ماتت ‍..‍! ترى ماتاقـف الشجره
تعزوى بالجذور ولا عليك من اخضر غصونك

وانا بدمح خطاك اللي تعدّى ماوصل عذره .‍!‍!
وكل اللي خسرته منك .. بعـدّه فدوة عيونك

وبلـّغ كـلّ من ينوي بشـــرّه يحفر الحفرة
يجيلك يوم ياظالــم .. (من الحفرة يشيلونك)