السلام عليكم ورحمة الله و بركاتة
بدخل بالموضوع
أنا شابة تخرجت صار لي سنتين و شوي من اللغة الإنجليزية عارفه فيه غيري جالسين سنين ينتظرون رزقهم و كل شيء بيد ربي
بس أنا أبغى أخذ بالأسباب ولا جيت أكتب هنا إلا لأني اتسنفذت أغلب طاقتي
طول عمري و أنا أجتهد و أطمح للأفضل و لما شفت إن شهادتي ما تهم بالأخير بقد الخبرة تحطمت حرفياً!!
و عارفه إن احنا بوسط أزمه كبيرة بس هذا أكبر سبب يخليني م أيأس في هذا الوقت و أرجع أحاول!
أنا وحده ما عمري كونت علاقات مع أهل العيون أو أي أحد خارجها بحكم إني انطوائيه شوي و هذا الشيء أبداً ما فادني بحياتي
واكتشفت للأسف متأخر...
الي ابغاه منكم اذا تعرفون مكان يوظف بالعيون بأي شغله أهم شيء أشتغل وأكتسب خبرة و أفرغ طاقتي وحماسي و أفيد و أستفيد.
وشكراً.