موضوع جميل وراقي وأختيارك لهذا المقال يدل على رقي تفكيرك شقاوة
اقتباس:
|
يمكننا أن نحول أي موقف من المواقف المملة
أو الصاخبة المزعجة إلى تجربة مثيرة و ممتعة
|
لما قررت الدكتورة أجراء عملية لي بعيوني ولامفر من ذالك ظليت اهوجس أيام وأفكر بهالعملية وهذا غير الاراء الي جاتني من الناس الي سوواها
فيه ناس خوفتني وفيه ناس طمنتني
والعمليه بعيوني ثنتينهم يعني العين وما ادراك مالعين
وقت العملية جاء وكنت متخوفه كنت ابغي بس احد يقول تأجلت
او خرب الجهاز مثل كل مرة يقرر فيها اجراء العملية ويخترب الجهاز
دقايق ويجي دوري وأنا أنتظر
نادوا اسمي دخلت غرفة العمليات بعد وضع البنج الموضعي بعيني اليسار ضاق عندي التنفس والتفكير زاد
بدا الدكتور والدكتورة يكلموني قالوا انتي الي راح تساعدينا على حسب ارادتك في نجاح العملية
إن شاء الله
بدت العملية منعوني لا اتحرك وبعد وضع الجهاز على عيني تخوفت بدت الالوان تتغير وركزوا عيني اليسار بالجهاز
هناك جلست أستغفر وبعدها جاني تفكير بالجنة وتذكرت آيات وصف الجنة ونعيمها والله ان الجهاز شغال وانا شبهه حاسه فيه
فيه تعب بس مو حاسه مثل التعب الي خوفني فيه ونقلوني بحركة سريعه من جهاز لجهاز وبعدها سمعت صوت الدكتور يقول ماشاء الله عليك
خلاص خلصت العملية
والحمدلله بالتفكر بالجنة وبالاستغفار وقبلها بالتوكل على الله
قدرت اغير من حالة الخوف الي كانت مسيطرة علي الى حالة أحسن شبه نستني العملية والمكان الي كنت أنا فيه ومثل الي تصور لي اني جالسه بحلم مو بغرفة عمليات