[عَبقْ]

بلغني أيُّها المَلِكُ السَّعِيد , ذو الرّأي السَّديد ,والعَقـلِ الرَّشِـيد , أن أحد الشباب واسمه الوليد كان يحاكي ابن خاله قائلاً له : ورى مابه تقاليد تلملمنا وتجمعنا ورانا نخضع لعادات تشغلنا وتقلقنا تقاليد ٍ وعادات ْ الزمان اللي يلوعنا تقاليد ٍ وعادات الفراق اللي يلاحقنا راكان ابن خاله : ليه تحكي كذا يالوليد وش اجبرك تتزوج بنت عمك آااه ياراكان خلها بالقلب مستوره .. لاتفتح جرحي وتزوره ، أنا حزني على أمي .. تراها حيييل مقهورة .. راكان : طيب كلمها تقنع ابوك أو كلم أختك أو حتى أخوك الوليد : حاولت و حاولت و حاولت حتى بالموت تهددت : رَجع وليد للحارة وكان أبوه بانتظاره هلآ بولدي الغالي .. هلا بفرحي وآمالي .. .. الوليد : يابوي انا ودي اقولك شي .. بقلبي غدى مكبوت غدى همٍ يضايقني .. وعن أفراحي يبعدي - هنا وقف ابو الوليــد وهو شايش وهو طايش أنا عارف وش بتقول .. تبي تترك بنات العم و تتوجه لبنات الغـَمْ ، أنا رافض هـ الفكره قبل حتى تتكلمْ.. بنت عمك أكبر منك أو أختار بنت عَمْتكْ هي تصغرك بثمان سنين .. كأنها البخت وكأنها الزين .. جمال ربي اعطاها ومن الأمراض شافاها الوليد : يابوي انت مقرر ومَجْزم وبالعادات مْعَزٌم وأنا رايي ماعاد يهم .. ماعاد يهم. ( أنتظِر يامولاي للقصه بقية ..) رحنا لهم بعد يومين ؛ أبوي وأنا ومعي ثنتين خطبنا بنتهم نادين .. .. كانت فرحة الوالد أبد محدـن بيُوصلها ، ولده و بَكْرَهْ بياخذ بنت أخته وبيفرحها - كانو ينطرون الرد بعد اسبوع واسبوعين اهل بووليد ظلو بِـــينْ نارين .. دقايق مرت وعدت ، وهه فرحه ماكْتمْلَت ... أبوها رفض وبشده / طيب ليه وش الاسباب أبي بنتي تروح بره / تدرس هندسة أو طب أبوالوليد يكلم زوجته : خلاص شوفي له وحده بس تكون بنت أجاويد بدل أختي وهالتعقيد .. بعد يومين ، وبالتحديد ب الأثنين ، خطب الوليد يامولآي ساره فررح أبوها بـ هالبشاره .. ولكنه طلب منهم حاجه تسره وتهمهم .. قال وقال وذكرهم ( أستعينو على قضاء حوائجكم بالكتمان ) وكان رد ابو الوليد [ أنت تآمر على هالخشم.. و عسى ربي من الحساد يحميهم ..] آلف مبرووك آلف مبرووك فرحنا اليووم غير اليوم كتبنا الوليد على ساره ، كانت فرحته كبيره ، يامولاي بسبب عادتنا اللي ماترضى ان تآخذ البنت غير ابن عمها صار مالايُحمد عُقباه بعد شهر كان متلهف يكلمها ، رفع جواله واصابيعه على ازراره ، ضرب نمرة سارة .. ردت بنبرة خجلانه : .. هلا ب الغالي ودياره هلا بقلبي ونبضاته .. الوليد أبي منك طلب صغير .. الوليد : لك العين وصاحبها لو تبغين , حياتي كلها بأمرك من أدناها لأقصاها ساره : بيوم العرس مابي فرح آخاف اهلي يخربونه أخاف أنهم يضرونك أخاف أنهم يبعدونك .. الوليد : عرسك بيصير اسطوره .. وقصتنا بكل لسان مذكوره ، انا احبك .. وتحبيني / وعن العذال خبيني .. هنا ساره غَدٌت خدودها حمرا على ماربي أعطاها ولكن بسرعه وفجأه أبتسامتها وفرحتها صارت صفرا في صفرا صوت صراخ بالصاله ،، ابوي وجدي وعمي - أبد بنتي ماتاخذ الا اللي ارتاح له قلبي عمها سعد : افا ياخوي .. و ولدي و وعدك لي .. وهذااا ابوي يشهد لي ابو ساره : بنتي خلاص زوجتها لواحد .. يصونها ويحفظها صلاة ربه مايتركها وسنة رسوله مطبقها.. الجد : لاوالله وعلى الله هالزواج ماراح يتم حتى لو هدرنا الدم ساره تكون لأبن سعد وعلى كذا بيكون السعد .. ساره تكلم الوليد : شفت شلون انا قلت لك كل شي عندهم عادات بنت العم لـ ولد العم وَ ولد العم لـ بنت العم الوليد : ساره اسمعي مني أنتِ لي وأنا لك وأمر عمك وأمر جدك أبد هين ولاتحاتي بعدها بيوم أو يومين , كان الزواج تحدد تاريخ اثنين بشهر اثنين ولسّى باقي شهرين الوليد يكلم عمه بوساره : ياعمِّي أنا عارف أنها بنتك , فلذة كبدك وحبك . وأنت عارف أخوك وأبوك مايخلونك بحالك أنا بكره باخذها ومابي إلاَّ عبايتها ابوساره : دامك راضي وراضية مشورتك وهداية الله.. يوم الخميس بالليل تودّعهم .. تضم أمها وتضم نوره ، تبوس جبين أبوها اللي غدى مقهور حرموا بنته من أحلى حلم تتمناه تكون بفستانها الأبيض وعلى الكوشة تظل وياه .. ياالله طيارتها الصباح وعساها عمره مقبولة . أخذ مرته ومشو دايركت دخل وياها جوّا البيت ثواني بسس ؛ صوت الباب يدق بالحيل .. - اكيد أخوك نسيتي شي ؟ / او أخوي جايب عشاي طلع عمها وبإيده سلاح جلسهم بدون أي صوت بدون نفسس بدون حركات العم : هه انا قلت لك وحذرتك بنت اخوي ماتقرّبها وهذا انا ابنتظر الملـّيك يوصل وتطلقها و ت ط ل ق ه ا .... الوليد : ضاقت حيل انفاسه ودارت الدنيا براسه مسك جواله وارسل لأخو دنياه ( الفزعه يابن خالي ؛ تراني جالس لحالي ؛ حولي سلاح يهددني ؛ وعممها ناوي يقلتني ) راكان : افا افا ياذا العلم .. قومو ياعيال العم .. ترى الموضوع فيه دم وليد بحاجة فزعتنا يبي عوني وقومتنا ضرب الباب للتوّ فتح عمها وهو مبسوط ، على باله الملـّيك وبيفرق هالقلبين وبإيده سلاح لا .. سلاحين طلع شرطي , طلع شرطي - هلا والله وش اللي جابك وش مهلي - خير ياخوي تبي حاجة ؟! بغيتك أنت وسلاحك عليك تُهم لي راسك سطو بيتٍ وتهديدٍ وتبي تفرق محبينٍ طلع راكان خلف الباب يناظر عمها بإستحقار .. تفضل معاه للمخفر .. وخلنا نشوفك ب النظاره تتمختر في هذا الوقت كانت أمها وأمه كان أبوه وأبوها على نياتهم يدعون عسى ربي يتممها وعساها عمره مقبولة وعساها عمرة مقبولة ألا ليت الزمن يسمع حكايتنا ويسمعنا نحسب إنــّـا سرقنا الوقت واثر الوقت يسرقنا تقاليد ٍ وعادات الزمان اللي يلـوّعــنا تقاليد ٍ وعادات الفراق اللي يلاحقنـا ورى مابـه تقاليد ٍ تلمـلمنـا و تجمعنا ورانا نخضع لعادات تشغلنا وتقلقنـا ولو عاداتنا في خيـر .؟ و هالعادات تنفعنا شعوب الارض ما صارت وكل الناس تسبقنـا وَ أدرَكَ شَهرَزَادَ الصَّباح , فَسَـكَـتـَتْ عَـن الكلام ِ المُباح . .