01-11-2006, 03:05 PM
|
#35
|
رقَمْ آلع’َـضويـہ:
25 |
التسِجيلٌ :
Nov 2004 |
مشَارَڪاتْي :
2,176 |
♣
نُقآطِيْ
»
|
|
رح يالحبيب لوين ما ودك اتروح
************** الله يسهل لك طريق ٍ مشيته
لالا تجاملني على غير مصلوح
************ اللي بقلبك عارفه لو خفيته
وين الغرام اللي له الفكر مشروح
*********** بعته وفي داخل خفوقي شريته
كف العتاب ورح يكفيني اجروح
********** وتكفيني آلامي وظلم ٍ خذيته
عندك يقين اني محب ٍ ومذبوح
********* واللي حصل قدرني الله وقويته
تبكيك دمعه جرحها ونه ونوح
******** ومشاعر ٍ تبكي غرام ٍ بكيته
ويبكيك شوق ٍ داخله غيره تفوح
******* واحساس مغرم شاقني واعتنيته
ويبكيك حب ٍ داخله القلب مطروح
******* وقصايد الخافق وبيت ٍ بنيته
من خاطري باقول ياخل مسموح
******* حبك حفظته داخلي ما نسيته
قيل الخطا ما بين الاحباب مدموح
********* مهما كبر تبقى حبيب ٍ بغيته
يبقى الغلا من هاجس الروح للروح
******* ويبقى الوله شوقي وحب ٍ هويته
لك الغلا من واهج الشوق مفتوح
******* ولك العطا من دم قلبي سقيته
ومنك الرجا ارفق على قلب مجروح
******* وفيك العشم تذكر غرام ٍ رجيته
رح يا الحبيب الوين ماودك اتروح
****** وأنا بعد باروح ودربي رضيته
الشاعر / مروان بن عبدالرحمن القناص السبيعي
|
|
|