[aloyun]

من مده شفت تواجدها في شوارع العيون
الفكره ممتازه جدا ونشجعها ونتعاون مع اللي يقوم عليها

ماعرفت مين اللي يقوم عليها ويتابعها غير اني قريت في
حاويه لجمع الملابس ان المكتب التعاوني هو المسؤول عنها




انا اتكلم عن هذا















لكن الزين مايكمل
والسبب ان المكتب سواها ولا نشوف اي اهتمام فيها
اولا ماسوى اي اعلان
لا مكتوب عليها اي شي يوضح سبب وضعها بلغات مختلفه عشان الكل يتفاعل
ولا المكتب كتب في المواقع العيونيه ونوه عن هذا المشروع
ولا كتب اي اعلان بأي شكل من الاشكال عبر بروشورات او بنرات او حتى نبذه عنها بعد صلاه في مسجد

عدم الاهتمام فيها بتتجمع الكراتين وبتكون عرضه ان اللي يجمع من البنغاليه انهم ياخذونهم
والناس واللي حول هالحاويات مش حاطين شي لانهم ماشافوا تفاعل من المسؤول عنها
مثل حاويات الملابس اللي تنترس فيها بالملابس وماحد يشيلها من المكتب

وهذا دليل على ان المكتب غير مهتم



البنر له اسبوعين مقطوع ماحد جاء عدله
اصلا هالحاويه قبل صار لها حريق يوم 11 شهر 11 سنة 2011



ونزلتها بموضوع حينها
http://www.aloyun.com/vb/showthread.php?t=61191

وبالنسبه لحاويات الكراتين باين انهم غير مهتمين فيها
مثل ماقلت انهم ما اعلنوا ولا بينوا عشان الناس في البيوت واصحاب المحلات يحرصون على وضع الكراتين فيها

وغير كذا تفضلوا شوفوا

الحاويه اللي عند سوق الديره صارت مهدده انها تنعدم بسبب ان السوق بيهدونه وهي باقي مكانها
غير ان اللي بالسوق ساووها بالحاويه حق الزباله وصاروا يحطون فيها اي شي ( فلين ، خشب ، نايلون ، ..........








حتى الصور السابقة نلاقي ان الحاويات والزبالة فيها كراتين وكل شي
عشان مافيه تنبيه ولا فيه اعلان

الاسبوع اللي راح كانت فيه حاويه في الصراه بين دوار البلديه ومسجد احمد العطيش
حاطينها فوق الرصيف اللي بين الشارعين بعيد عن البيوت والمحلات
منهو بيقطع الشارع عشان يحط كرتون فيها




هالاسبوع لقيتها خطرت الشارع وراحت بعيد عن الرصيف اللي في النص
كيف خطرت ما ادري بس صارت ابعد من قبل
هالحين منهو اللي بيقطع الشارعين عشان يحط كرتون








اتمنى من المكتب التعاوني
ان يهتم بشي من الجديه بهذا المشروع
لان الناس اذا لقوا احد يهتم بيهتمون بعد هم
لانهم بيثقون في منهو بيتكفل بتوصيل صدقاتهم
مانشوف سيارات تتكفل بتفريغ الحاويات
ولا نشوف وين مستودع الكراتين والملابس
وماشفنا اي خبر بالصور عن هذا المشروع زي مانشوف في مشروع تفطير الصايمين

مانبي المشروع هذا يموت بموت الاهتمام فيه