[المحيميدي]

بسم الله الرحمن الرحيم

السلام عليكم ورحمة الله وبركاته .


مما نلاحظ في شبابنا الكتابة على الجدران وهو شيء مألوف في ارجاء مدينتنا الغالية .

لكن ماحدث تجاوز حدود الشرف واللباقة .

اليوم وانا راجع البيت , مريت على مدرسة البنات اللي مقابلة امواج , ولقيت شي مكتوب صراحة ماتوقعتها من عيال ديرتنا .

يعني لذا الدرجة وصلت الوقاحة انه يكتب على الجدار اشياء مثل ذي , بل كيف سولت له نفسه بكتابة مثل هذه الاشياء في جدار مدرسة بنات .

كان ودي اني ارفق صور , لكن حفاظاً على الذوق العام ماني حاطها .

اللي حاب اقوله لعيال الديرة :

ترى حركات المبزرة والصياعة والله ماهي بنافعتكم بشيء لاهي مرجلة ولاهي قوة , الا بالعكس ماهم قايلين عنكم الا همج .

تكفون ترى سمعتنا وحدة وكلنا نسايب وقرايب , لا تشوهون سمعت ديرتنا بذا الامور من كتابة على جدران وتفحيط وخراب والله ماهو بنافعنا بشيء .

الله يهدينا ويهديكم اجمعين

واعذروني لو طولت والله ان الي شفته شي يحر القلب .