[كلمة حق]

المترف اللـى كلمـا زان جـوه
يتلنى بيـن الرجـا والمشاريـه

يقول أنا طفلٍ على الغلا تـوه
وأقول أنا قلبٍ يبي طفل يحييـه

يـا ناهـبٍ قلبـي فدلـك لهـوه
ضمه على قلـبٍ يحبـه ويغليـه

وإلعب وخرب مـا تريـده بقـوه
ما دمت نبض القلب وشلون تذيه

قلبي فداك اللى تبي فيـه سـوه
وأنا بموت بكـل شـيٍ تسويـه

وأنته تصرف خل عنـدك جـروه
وخدرنى بقولك ليـا قلـت لبيـه

فكرى معك لاجيت يعلـن خلـوه
وقلبي معك ليـا مكـانٍ توديـه

شاعرك لاجاء الضيق يعلن دنوه
يتذكرك حتـى السعـاده تباريـه

إترك شعّرك يعلمـه عـن هـدوه
وإطعن بعينك كان ودك تصحيـه

بيني وبينـك بالمشاعـر عنـوة
وإحساسك الشاعر وحرفي قوافيه

والشاعر اللى فيك ماهـو مفـوه
يترك مجال الشعر لايشتقي فيـه

فى طلتك غيث الغمـام وعلـوه
والسحر والتأثير والورد والتيـه

الذوق فى هرجتك يأخـذ سمـوه
والزين كنك من وصوفك تغذيـه

والعطر ماهو عطر يحسب مشوه
لانك بعطـرك لاتعطـرت تعميـه

هذا القمر وألا أنت تعطيه ضـوه
ولو تشتهى تطلع مكانه وتلغيـه

ما ألوم قلبٍ فيـك معلـن غلـوه
صحيت فيه الشوق وأعذب معانيه

واليوم أنا طالبك لاأجـل الاخـوه
ولاأجل فوادٍ منحرم من محانيـه

أعلم ترا بعـدك فـوادى عـدوه
وأكره كره الزرق وأمـل طاريـه