[أم ملاكـ]

مدري وش اقول بصراحه تخنقني العبره والحزن مازال ماكن بصدري

اول مره ادخل على هالموضوع ويشهد علي ربي انه أثر فيني وبقوووه وربي ماكنت جاهله بحنانه وعطفه ومسحة يده لدمعة يتيم

وتفريجه عن المهموم ووقفته مع المظلوم

ولكن بعد موته اكتشفت اني جاهله بأعمال الخير اللي ماكان يقول لنا اي شي عنها وهو منا وفينا

واذكر مقولة شيخ الإسلام ابن تيميه -رحمه الله-: "خير الأعمال ماكان لله أطوعَ"

يكفينا انه كان محتسبها فـ لله سبحانه وتعالى ربي يسكنه الجنان كان اصعب فراق افراقه

غير ان الدموع لهالحين ماجفت على فراق الغالي عسى ربي يغفر له ويرحمه ويجزاك كل خير اخوي متابع على هالطرح

وعسى كل عمل بميزان حسناته كان قلبه كبير ووالد للجميع وحنون لدرجه ما اقدر اوصفها ومحب لفعل الخير بكل كتمان

وبكل أمانه اسعدني وأطمئنت نفسي على ما دون في هالموضوع من انجازات للغالي كنا نجهلها ونحن المقربين له

أســـــعد الـناس بين الورى رجل
تقضى على يده للناس حاجات
قد مات قوم وما ماتت مكارمهم
وعاش قوم وهم بين الناس أموات

والشكر موصول لكم جميع ولهالصرح الكبير

واعتذر ادري الموضوع قديم
ولكن عهدي بالنت قديم وتو رجعت و شفت هالموضوع مثبت وماتمالكت نفسي وطلعت مابخاطري